web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Pronari i televizionit kërcënon gazetaren, denoncoi fshehjen e autorit të një abuzimi seksual

25 Tetor 2023, 07:40, Denoncim CNA
Skandal/ Pronari i televizionit kërcënon gazetaren, denoncoi fshehjen
Gazetarja Afrovita Hysaj

Pak ditë më parë u raportua një ngjarje e rëndë e ndodhur në qytetin e Vlorës.

Një 26-vjeçare u abuzua seksualisht nga 3 djem, të cilët fillimisht dyshohet se e droguan dhe pasi kryen me forcë aktin seksual e braktisën në rrugë në gjendje të rëndë.

E reja u gjet në rrugë nga qytetarët, të cilët e dërguan në spital, ndërsa raportohet se është në gjendje të rëndë psikologjike.

Policia deklaroi me anë të një njoftimi zyrtar se vajza u abuzua seksualisht nga 3 persona, dy prej të cilëve ishin vënë në pranga dhe një është në kërkim.

“Specialistët për Hetimin e Krimeve të Komisariatit të Policisë Vlorë arrestuan në flagrancë shtetasit O. T., 31 vjeç dhe A. C., 28 vjeç, si dhe vijon puna për kapjen e shtetasit G. M., 32 vjeç, të tre banues në Vlorë, pasi dyshohet se në bashkëpunim me njëri-tjetrin, kanë nxitur një 26-vjeçare, që të përdorë lëndë narkotike, dhe kanë kryer marrëdhënie seksuale me dhunë, me të”, njoftoi policia.

Por gazetarja Afrovita Hysaj raportoi se i përfshirë në këtë ngjarje të rëndë ka qenë edhe një person i katërt.

Sipas saj, ngjarja është tentuar të fshihet pasi motrat e dy prej autorëve të dyshuar janë drejtoresha në administratë dhe babai i një të treti është drejtues i televizionit lokal “6+1 Vlora”.

Denoncimi i gazetares ka irrituar drejtuesit e televizionit, të cilët kanë shkruar një artikull, ku denigrojnë figurën e gazetares.

Televizioni e etiketon Hysajn me termin e rëndë “prosti” dhe e akuzon se po mundohet të përfshijë padrejtësisht televizion në ngjarje.

Skandal/ Pronari i televizionit kërcënon gazetaren, denoncoi fshehjen

Pronari i televizionit nuk e ka mbyllur me kaq, ai i ka dërguar një mesazh kërcënues gazetares, ku i thotë se “është në gjak” me të.

Pas kësaj ngjarje një lumë reagimesh kanë ardhur nga gazetarët në mbështetje të koleges së tyre, duke dënuar gjestin e televizionit lokal të Vlorës. Kjo ka detyruar “6+1 Vlora” që të fshijë lajmin./ CNA





Lajmet e fundit nga