web counter
LEXO PA REKLAMA!

SHKARKO APP

App Store
Google Play

E fundit!

x

Presezzi dhe Lopa, në institucionin shtetëror/ Si po tentohet të fshihen aksionet e inceneratorit të Tiranës

20 Tetor 2023, 17:21, Denoncim CNA
Presezzi dhe Lopa, në institucionin shtetëror/ Si po tentohet të
Fotomontazh - Milaid Lopa dhe Alberto Presezzi

Ish-kryeministri Sali Berisha denoncoi këtë të premte se biznesmeni i inceneratorëve, Milaid Lopa dhe Alberto Presezzi, aksioneri i kompanisë mëmë të inceneratorit të Tiranës, kanë shkuar sot në Agjencinë e Pasurive të Sekuestruara.

Për të njejtën çështje, Berisha ka reaguar sërish. Ai ka publikuar video nga konferenca e përjavshme dhe ngre akuzat se vizita e Lopës dhe Presezzin në institucionin shtetëror është një provë se kryeministri Edi Rama dhe kryebashkiaku Erion Veliaj po tentojnë të fshehin aksionet e inceneratorit të sekuestruar të Tiranës.

Ai deklaron se Rama dhe Veliaj po tentojnë ta bëjnë këtë gjë duke kaluar “pasurinë” e përbashkët nga një person të nje tjetër.

“Piranjat filmojnë Presezzi dhe Lopa i djegësit të Veliajt!

Të dashur miq,

Siç e njoftova pak më herët, në konferencën për shtyp, dy sekserët e Klodian Zotos dhe Erion Veliajt janë shfaqur për takimin e parashikuar në Agjensinë e Pasurive të Sekuestruara.

Alberto Presezzi dhe Miliad Lopa janë filmuar duke hyrë në institucionin shtetëror nga gazetarët e Piranja. Pamjet e plota do i ndiqni sonte në emisionin investigativ të Syri TV.

Kjo është një provë tjetër se si Rama dhe Veliaj kalojnë “pasurinë” e përbashkët nga një presta nome te një tjetër, për të fshehur skandalin, hedhur hi syve shqiptarëve dhe për të trashëguar milionat e vjedhjes së shekullit.

Edhe njëherë, aksionerët e kompanisë Geogenix BV, kanë ardhur në Tiranë për të zhvilluar një takim me Agjencinë e Pasurive të Sekuestruara, pasi kërkojnë të sjellin 100 milionë euro në Shqipëri, me burime të paqarta, për të bërë investime te inceneratori i Tiranës.

Inceneratorët ndërrojnë emrat, por dora e hajnisë mbetet po ajo. Sb”, shkruan ai krahas videos./ CNA





Lajmet e fundit nga