E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

I zhytur në borxhe ndaj shtetit/ Irfan Hysenbelliu lë punonjësit pa paga, protestë te “Birra Tirana”

16 Tetor 2023, 17:31, Denoncim CNA

Irfan Hysenbelliu

Irfan Hysenbelliu është zhytur në borxhe ndaj shtetit me kompanitë e birrave “Birra Korça” dhe “Birra Tirana”.

Ashtu siç e ka raportuar edhe më parë CNA, nga të dhënat zyrtare rezulton se me “Birra Korça”, Hysenbelliu ka 2.4 miliardë lekë borxh, ndërsa me “Birra Tirana” detyrimet e papaguara kapin shifrën e rreth 3.9 miliardë lekëve.

8.8 mln euro detyrime në shtet me tre kompani/ Irfan Hysenbelliu, biznesmeni-piramidë?
4 Mars, 10:40

Por përveç borxheve që i ka shtetit, Irfan Hysenbelliu duket se ka mbetur borxh edhe te punonjësit e tij.

Sipas mediave, disa punonjës të fabrikës “Birra Tirana” kanë disa muaj që nuk marrin rrogat dhe siguracionet.

Për këtë arsye ata kanë dalë këtë të hënë në protestë para portës hyrëse të fabrikës, ku kanë nxjerrë edhe disa pankarta.

Punonjësit në protestë para portës hyrëse të fabrikës

Punonjësit e Hysenbelliut denoncojnë se kanë disa rroga të prapambetura dhe janë hequr padrejtësisht nga puna.

Punonjësit në protestë para portës hyrëse të fabrikës

Disa familje janë dëmtuar ekonomikisht, pasi kanë qenë të punësuar familjarisht te “Birra Tirana” dhe nuk kanë marrë paga.

Por kjo nuk është e vetmja kompani e Irfan Hysenbelliut që ka probleme, pasi edhe kompani të tjera të “Hysenbelliu Group” kanë paga të prapambetura.

Pra, ashtu siç lë pa paguar taksat, Irfan Hysenbelliu duket se lë pa paguar dhe punonjësit, duke përfituar në kurriz të tyre.

Vetëm me dy kompanitë e birrave, Hysenbelliu është borxhli ndaj institucioneve shtetërore në vlerën e 6.3 miliardë lekëve.

Pa folur këtu për kompaninë "Albecorp", e cila po shkon drejt falimentimit, ku ai është 100% aksioner.

Irfan Hysenbelliu del zbuluar/ Manovra që i zbuloi 2.5 milionë euro detyrime të papaguara ndaj Tatimeve
3 Mars, 09:40

Sipas Tatimeve, nëpërmjet mosdeklarimit të të ardhurave përllogaritet që Irfan Hysenbelliu me këtë kompani, t’i ketë shkaktuar shtetit një dëm potencial prej 108 milionë lekësh tatime të shmangura.

Ky është një skandal tjetër që tregon se Irfan Hysenbelliu është i zhytur kokë e këmbë në borxhe, duke shkelur ligjin dhe detyrimet ndaj shtetit dhe punonjësve./ CNA