web counter
LEXO PA REKLAMA!

SHKARKO APP

App Store
Google Play

90% e parave për inceneratorët janë zhdukur/ Ku shkuan 200 milionë euro të taksapaguesve

5 Tetor 2023, 20:00, Denoncim CNA
90% e parave për inceneratorët janë zhdukur/ Ku shkuan 200
Foto ilustruese, mbetje

Dita ditës dalin në dritë fakte që thellojnë edhe më tepër aferën me 3 inceneratorët, atë të Tiranës, Elbasanit dhe të Fierit.

GJKKO ka dënuar deri më tani 8 persona me burg për korrupsionin me kontratën koncesionare në Elbasan dhe 8 të tjerë për atë në Fier, mes të cilëve janë edhe 3 kokat e inceneratorëve, Mirel Mërtiri, Klodian Zoto dhe Stela Gugallja.

Ndërkohë, për aferën në Tiranë nuk është dhënë ende vendimi, megjithatë është sekuestruar landfilli.

Por teksa drejtësia ka dërguar pas hekurave një ish-ministër e disa ish-zyrtarë, pagesat nuk janë ndalur në asnjë moment për plehrat që nuk kthehen në energji.

Këtë fakt e përmendi mbrëmjen e kësaj të enjteje ish-kryeministri Sali Berisha në Parlament, ku deklaroi se 90% e parave janë zhdukur.

Ai ngriti pikëpyetje mbi destinacionin e 200 milionë eurove që janë marrë nga taksat e shqiptarëve për inceneratorët.

“Po djegësat? Institucionet ndërkombëtare thonë se 90 përqind janë zhdukur paratë. Ku janë 200 milionë euro të taksapaguesve? Ku janë?”, theksoi pa u ndalur gjatë Berisha./ CNA





Lajmet e fundit nga