E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

“Hap kartelë ditore e merri…”/ Ilaçet që duhet të jepen falas në spital shiten privatisht

3 Tetor 2023, 21:30, Denoncim CNA

“Hap kartelë ditore e merri…”/ Ilaçet që

Spitali i Tepelenës ofron shërbim mjekësor për rreth 80 mijë banorë në qytet dhe fshatrat përreth.

Pas denoncimeve në “Stop”, se sistemi shëndetësor në Tepelenë është përqendruar në duart e 4 zonjave, ne shkuam të verifikonim situatën.

Mjekja Klodiana Gjonçaj, punon në spital, por edhe në farmaci, madje duke tregtuar privatisht ilaçet, që janë të dedikuara për spitalin. Farmacia ku ajo punon është në emrin e motrës së saj Jorida Gjermeni.

Gjithashtu farmacistja e spitalit Klea Doti punon edhe në këtë farmaci private. Valbona Ruka, shefe e shërbimit parësor në kujdesin shëndetësor Tepelenë, punon gjithashtu si farmaciste.

Në farmaci private tregtohen medikamente që janë të spitalit bashkiak të Tepelenës. Kostoja është zero dhe fitimi 100%. E gjithë situata ndodh në sytë e drejtoreshës së spitalit.

“Stop” shkoi të blejë ilaçe në farmaci dhe mjekja Klodiana Gjonçaj shiti ilaçet që kishte gjendje. Për të tjerat, na drejtoi në spital, ku takuam kryeinfermieren Mira me porosi të saj.

Qytetari: Si kalove?

Klodiana Gjonçaj: Mirë!

Qytetari: Unë dua kështu, tetanoz dhe shiringa!

Klodiana Gjonçaj: Deri në 72 orë bëhet tetanozi më vonë. Do ta bësh tani? Se unë e kam në derë të frigoriferit? Po s’e bëre, mbaje në frigorifer dhe ti!

Qytetari: Hëë Manitol, Sodium Kloridi…

Klodiana Gjonçaj: NACL!

Qytetari: Edhe m’i ka shkruajtur kështu, se e kam nusen doktoreshë. Manitol 20%, më thotë, 250 mililitra.

Klodiana Gjonçaj: E di, e di, që është, po dal të shoh, a kam, a s’kam unë. Po ashtu, do të them, ku do… do ta zgjidhim. Po tjetër? Hë, vazhdo!

Qytetari: Vitamin K 1%, thotë, 1 mililitërshe!

Klodiana Gjonçaj: E mora vesh! Po tjetër?

Qytetari: Sodium Kloridi!

Klodiana Gjoncaj: Sa do nga këto? Ma jep ta lexoj unë mesazhin vetë më mirë, mos u lodh! Doreza, shiringa këto do i kem… Glukozë 5%, Buskopan, Tinker Jodi, Papaverinë, Manitol, Vitamin K edhe tetanozi.

Qytetari: Po, ça ke ti nga këto?

Klodiana Gjonçaj: Po manitolin, do të ta gjej.

Qytetari: Po!

Klodiana Gjonçaj: Do vesh… lidhu… me makinë je?

Qytetari: Po. me makinë jam.

Klodiana Gjonçaj: Do flas unë, ngjitu merri te spitali, te urgjenca. Ndaj të thashë.

Qytetari: Po!

Klodiana Gjonçaj: Manitolin do të të çoj.., ike e mere! Do flas unë! Ik e mere lart te Spitali! Vitamin k po kanë, do t’u them të ta japin.

Qytetari: Ok!

Klodiana Gjonçaj: Thjesht lër një emër shënim, që të hapim një kartelë në emrin tënd, ditore!

Qytetari: Po mirë!

Klodiana Gjonçaj: Për t’u regjistruar, se mos të ngacmojë…

Qytetari: Edhe shiringa dy copë, age 10 milimetërshe!

Klodiana Gjonçaj: Të jap dy unë këtu ty. Vitamin K, s’kam unë këtu. Po kemi, do ta marrësh! Ngjitu lart te spitali!

Qytetari: Ok!

Më pas flet në telefon me Kryeinfermieren e Urgjencës te Spitali i Tepelenës.

Klodiana Gjonçaj: Ça po bëni? Të të pyes? Kemi vitamin K lart, (në spital) neve ? Ampulë, 1 duhet vetëm. S’e dua për vete. Do të nis një çun, jepi një Manitol, dy aparate dhe një…! Mirë! Të t’i shënoj në një letër unë, po hapi një kartelë ditore, mbaji shënim emrin djalit!

Qytetari: Këto të tjerat m’i dhe besoj?

Klodiana Gjonçaj: Sa ke si artikuj atje? Numëroji çikë me numra 1, 2, 3, 4 të tëra, që të numëroj, sa të dhashë unë e sa do marrësh atje!

Qytetari: Doreza kirurgjikale!

Klodiana Gjonçaj: Ja, s’i shënuam ato.

Qytetari: Glukozën?

Klodiana Gjonçaj: Do ta marrësh lart!

Qytetari: Ok! Shënoje! E shënove?

Klodiana Gjonçaj: E kam shkruar unë. Vazhdo!

Qytetari: Buskopanin, po!

Klodiana Gjonçaj: Do ta marrësh lart!

Qytetari: Jodin, e ke këtu. Papaverinin, Manitolin…

Klodiana Gjonçaj: Ta dhashë Papaverinin. Manitolin do ta marrësh lart!

Qytetari: Vitaminën K?

Klodiana Gjonçaj: Do ta marrësh lart!

Qytetari: Kloridin e Sodiumit?

Klodiana Gjonçaj: Është këtu!

Qytetari: Edhe Tetanozin, që e bëre gati!

Klodiana Gjonçaj: Eh, në rregull i kemi. Bëjnë 18 mijë lekë. Ato të spitalit, asnjë lek, se t’i japim nga shteti. Do takosh Mirën dhe do të jap unë një pako me paracetamol vetëm jepi, ja do ta shënoj unë te letra këtu!

Qytetari: Po!

Klodiana Gjonçaj: Kryeinfermieren e Urgjencës, direkt, sa të vesh! Me kë foli Klodi në telefon, i thuaj, edhe…

Qytetari: Kryeinfermieren e Urgjencës?

Klodiana Gjonçaj: Kryeinfermiere e Urgjencës, Mira e ka emrin!

Qytetari: Po!

Klodiana Gjonçaj: Kujdes Tetanozin, e di ç’ke? Mbaje në çantë atë, mos ma thyej!

Qytetari: Urdhëro dhe lekët!

Klodiana Gjonçaj: Të hapi një kartelë ditore ajo! Hë, se e zgjidhim. Do takosh këtë!

Mira na dha ilaçet e spitalit dhe sipas këshillës së doktoreshës, na hapi dhe një kartelë ditore. Sigurisht për “zemërgjerësinë” e saj, kryeinfermierja mori 20 mijë Lekë të vjetra.

Qytetari: Si kalove?

Kryeinfermierja: Mirë, ça bëni?

Qytetari: Kryeinfermieren, desha pak!

Kryeinfermierja: Unë, hajde. Do më japësh dhe një çikë të dhënat mua!

Qytetari: Po!

Kryeinfermierja: E ke bezdi?

Qytetari: Po!

Kryeinfermierja: Të pacientes, që më tha doktoresha, që t’i hapim kartelë! Mbaje këtë, se mos na i thyhesh, se kjo është bir i vetëm! Mezi e kishim.

Qytetari: Ça është kjo?

Kryeinfermierja: Vitaminë K!

Qytetari: Po!

Kryeinfermierja: Vitaminën ta dhashë.

Qytetari: Ma jep komplet atë pakon!

Kryeinfermierja: Jo s’kam. S’e jap dot. Ja, për dy, do të jap tre, se nuk kam, se edhe besoj, se edhe poshtë nuk do ketë. Nuk ta kursej, po nuk kam. Më kupton? Një sekondë! Po vigona? Për të…

Qytetari: Po pra…

Kryeinfermierja: Të jap edhe shiringat, se të duhen!

Qytetari: Po!

Qytetari: Urdhëro!

Kryeinfermierja: More ik tani! Po ky…!

Qytetari: Mos ia fut kot tani!

Kryeinfermierja: Faleminderit!

Qytetari: Se tani është turp.

Kryeinfermierja: Ti na bëre, që të t’i japim të tërë Buskopanët me këto.

Qytetari: Po më jep edhe një pako nga ajo me kështu. Atëë!

Kryeinfermierja: Merr këtë, që është më shumë!

Qytetari: Dhe ajo e kuqja atje. Më fal, një sekondë! Këtë më! Këtë këtu! Këtë për tensionin!