web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët në Izrael, “në mes të katër rrugëve”/ Ambasada nuk u përgjigjet telefonatave

16 Tetor 2023, 20:13, Denoncim CNA
Shqiptarët në Izrael, “në mes të katër
Foto ilustruese

Dy ditë pas shpërthimit të luftës në Izrael, Ambasadorja e Shqipërisë, Meri Kumbe, nga aeroporti “Ben Gurion” në Tel Aviv, iu drejtua me një mesazh të gjithë qytetarëve shqiptarë që jetojnë atje. Kumbe publikoi format e kontaktit të vëna në dispozicion nga ambasada shqiptare, për këdo që ndihej i rrezikuar në Izrael dhe kërkonte të kthehej në atdhe.

Teksa ambasadorja iu bëri thirrje shqiptarëve të Izraelit të telefonojnë në numrin e vënë në dispozicion, një gjë e tillë nuk është e mundur.

Sipas një denoncimi të ardhur në redaksinë e CNA, numri i publikuar nga Ambasada jonë është i padisponueshëm. Një shqiptare që jeton në Izrael demonstron me video, se prej dy ditësh nuk arrin të lidhet me ambasadën shqiptare në Izrael.

Pas denoncimit të qytetares, CNA vendosi të kontaktojë numrin e lënë në dispozicon nga ambasada, por as ne nuk morëm përgjigje, ndërsa u përgjigj sekretaria në të cilën thuhej: “Lidhja me numrin e kërkuar nuk është e mundur”.

Pavarësisht se shumë shqiptarë mund të ndihen të rrezikuar nga sulmet e vazhdueshme të Hamasit në Izrael, mesa duket ata janë lënë “mes katër rrugëve” nga qeveria shqiptare dhe ambasada jonë atje./ CNA





Lajmet e fundit nga