web counter
LEXO PA REKLAMA!

SHKARKO APP

App Store
Google Play

E fundit!

x

"Jam kërcënuar"/ Gazetarja tregon detaje për përdhunimin në Vlorë: Personi i katërt është i përfshirë

25 Tetor 2023, 14:26, Aktualitet CNA
"Jam kërcënuar"/ Gazetarja tregon detaje për
Afrovita Hysaj

Gazetarja Afrovita Hysaj, e cila u kërcënua nga pronari i një televizioni lokal në Vlorë pas publikimit të lajmit të përdhunimit të një vajze, tregon për "Euronews Albania" se ajo nuk ka përmendur asnjë emër.

Sipas gazetares, kanë qenë portalet e tjera që kanë nxjerrë emrin e djalit të pronarit të TV lokal, çka ka sjellë reagimin e babait të tij i cili e ka kërcënuar përmes telefonatave dhe madje nuk ngurroi të publikonte edhe një lajm denigrues për të. 

“Unë kam raportuar se kanë qenë 4 persona, jo 3 siç u tha në komunikatën e parë të policisë, por nuk kam dhënë asnjë emër, portalet kanë nxjerrë emrin e djalit të administratorit të TV lokal. Personi i publikuar në disa portale si personi i katërt ka sjellë reagimin e babait të djalit, që më ka kërcënuar me mesazhe dhe më tej ky televizion ka publikuar një lajm denigrues ndaj meje kështu që situata nuk mund të tolerohej më ndaj bëra denoncim në organet kompetente”, tha Hysaj.

Gazetarja u shpreh se e ka takuar personalisht vajzën e përdhunuar në reanimacion, e cila siç tha nuk ishte në gjendje të fliste. Ajo i qëndroi raportimit të saj se personi i katërt, (djali i pronarit të televizonit) është i përfshirë në ngjarje. 

“Edhe personi i katërt është i përfshirë. Në komunikatën e djeshme të policisë ajo konfirmon se është një person i katërt që nuk ka shkuar në dhomë, por ka qenë bashkë me vajzën kur kanë qenë në ambientet e barit”, tregoi gazetarja./CNA

 

 

 





Lajmet e fundit nga