web counter
LEXO PA REKLAMA!

SHKARKO APP

App Store
Google Play

Avokatët e Berishës "braktisin" seancën/ Procesi vijon, i caktohet avokat nga shteti

25 Tetor 2023, 16:18, Aktualitet CNA

Avokatët e Berishës "braktisin" seancën/ Procesi vijon,

Gazetarja Klodiana Lala ka bërë me dije se pasi avokatët e Berishës kanë braktisur seancën, procesi po vazhdon në gjykatë dhe ish-kryeministrit do t’i caktohet avokat shteti.

Avokati i Berishës, Genc Gjokutaj para mediave u shpreh se pas rrëzimit të kërkesës së tyre,që gjykata tu japë një kopje të akteve që ka vendosur një ditë më pare, ata vendosën që të largoheshin nga seanca.

Gjokutaj theksoi se, Gjykata refuzoi kërkesën që çështja të dërgohej për shqyrtim në Gjykatën Kushtetuese.

“U paraqitëm sot në seancë, siç e dini kemi paraqitur një kërkesë dhe për përjashtimin e gjyqtares Gjoka. Dhe sot kemi bërë kërkesë për proces verbalin audio dhe gjyqësor. Kërkuam që Gjykata të vendosë të na japë kopje të akteve, që pretendon se e ka vendosur dje, pa u njohur me aktet merr vendim për vazhdim seance. Gjykata refuzoi kërkesën që çështja të dërgohej për shqyrtim në Gjykatën Kushtetuese. Pasi na rrëzoi kërkesën, ne u larguam nga seanca. Gjykata po përdor instrumente dhe justifikime për të mos na njohur me aktet. Seanca e verifikimit dhe ekzekutimit, rishikon dhe një herë seancën e parë dhe verifikohen dhe një herë kushtet e mëparshme”, tha Gjokutaj.

Kjo është hera e tretë që po mbahet seanca për sih kryeministrin Sali Berisha i cili akuzohet nga SPAK për korrupsion pasiv.

Berisha nuk ka marrë pjesë në asnjërën prej seancave. Ai mban qëndrim të fortë se duhet të zbatohet Kushtetuta./ CNA

 





Lajmet e fundit nga