E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

U largua nga seanca/ Flet avokati i Berishës: Kërkuam që çështja të dërgohet në Kushtetuese

25 Tetor 2023, 16:15, Aktualitet CNA

U largua nga seanca/ Flet avokati i Berishës: Kërkuam që

Genc Gjokutaj, një nga avokatët që përfaqësoi ish-kryeministrin Sali Berisha në gjykatë, në deklaratë për mediat tregoi arsyen se pse është larguar nga seanca gjyqësore e mbajtur ditën e sotme.

Ai thotë se kërkuan që çështja të dërgohej për shqyrtim në Gjykatën Kushtetuese, por kjo kërkesë u refuzua.

Kjo ishte dhe arsyeja e largimit të tyre nga seanca.

"U paraqitëm sot në seancë, siç e dini kemi paraqitur një kërkesë dhe për përjashtimin e gjyqtares Gjoka. Dhe sot kemi bërë kërkesë për procesverbalin audio dhe gjyqësor. Kërkuam që Gjykata të vendosë të na japë kopje të akteve, që pretendon se e ka vendosur dje, pa u njohur me aktet merr vendim për vazhdim seance. Gjykata refuzoi kërkesën që çështja të dërgohej për shqyrtim në Gjykatën Kushtetuese. Pasi na rrëzoi kërkesën, ne u larguam nga seanca. Gjykata po përdor instrumente dhe justifikime për të mos na njohur me aktet. Seanca e verifikimit dhe ekzekutimit, rishikon dhe një herë seancën e parë dhe verifikohen dhe një herë kushtet e mëparshme", tha Gjokutaj.

Pavarësisht largimit të avokatëve seanca ka vijuar dhe ish-kryeministrit do t’i caktohet avokat shteti.

Berisha ka deklaruar për mediat se do të paraqitet në SPAK, nëse hiqet masa antiligjore ndaj tij "detyrim paraqitje".

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA