web counter
LEXO PA REKLAMA!

SHKARKO APP

App Store
Google Play

Nxënësi bën për spital mësuesen/ Reagon Manastirliu: Duhet të reflektojmë

25 Tetor 2023, 17:55, Aktualitet CNA
Nxënësi bën për spital mësuesen/ Reagon Manastirliu:
Ministrja Ogerta Manastirliu

Ditën e sotme, një ngjarje e rëndë ka ndodhur në shkollën “Hydajet Lezha” në qytetin e Lezhës, ku një nxënës ka goditur me sende të forta mësuesen e cila si pasojë e goditjeve ka përfunduar në spital.

Ministrja e Arsimit Ogerta Manastirliu në reagimin e saj thekson se kjo ngjarje duhet të na bëjë të reflektojmë dhe të angazhohemi më shumë për forcimin e mekanizmave institucionalë, për mbështetjen psiko-emocionale të nxënësve, komunikimin efektiv, rritjen e ndërgjegjësimit në shkollë, në familje, në komunitet, me qëllim që të garantohet një mjedis i sigurt dhe i shëndetshëm për nxënësit dhe mësuesit.

Manastirliu tha se është i patolerueshëm dhe i papranueshëm çdo lloj akti dhune.

“Jam shumë e shqetësuar dhe e tronditur nga ngjarja e sotme në shkollën “Hydajet Lezha” në qytetin e Lezhës, një ngjarje totalisht e papranueshme dhe e patolerueshme, ashtu siç është i papranueshëm çdo akt dhune, në mjediset tona të mësimdhënies.

I jam pranë mësuese Majlindës në këto momente dhe i uroj shërim sa më të shpejtë.

Kjo ngjarje e rëndë duhet të na bëjë të reflektojmë dhe të angazhohemi edhe më shumë për forcimin e mekanizmave institucionalë, për mbështetjen psiko-emocionale të nxënësve, komunikimin efektiv, rritjen e ndërgjegjësimit në shkollë, në familje, në komunitet, me qëllim që të garantojmë një mjedis të sigurt dhe të shëndetshëm për nxënësit dhe mësuesit tanë.

Na takon të gjithëve si shoqëri, të kontribuojmë për fuqizimin e trinomit aq shumë të rëndësishëm, mësues-nxënës-prind, për të garantuar respektin e merituar për figurën e mësuesit dhe një mjedis sa më të shëndetshëm e të sigurt në shkolla, në mënyrë që institucionet arsimore si vatrat e dijes të garantojnë arsim cilësor, dhe të edukojnë e të përgatisin brezin e ri, me vlerat më të larta të kulturës dhe qytetarisë”, shkruan Manastirliu në rrjetet sociale.





Lajmet e fundit nga