Linja numër 1 në Europë/ Kastrati Group sjell “Ryanair”, revolucion i çmimeve të ulëta, nis fluturimet në 31 Tetor

25 Tetor 2023, 20:35, Aktualitet CNA

Linja numër 1 në Europë/ Kastrati Group sjell

Kastrati Group ka sjellë në Shqipëri kompaninë ajrore “Ryanair”. Kjo kompani ajrore do të nisë fluturimet nga Shqipëria nga 31 Tetori.

Ryanair njihet për revolucionin e çmimeve të ulëta dhe konfirmon një shifër rekord të rezervimeve të biletave për në 17 destinacione .

Javën e ardhshme, në 31 Tetor Ryanair do të nisë fluturimet dhe 70 % e vendeve të ofruara janë shitur për muajin e parë të fluturimeve.

Këtë të mërkurë është firmosur komntrata mes kompanisë ajorore Ryanair dhe kompanisë shqiptare.

Edhe pse sapo ka nisur aktivitetin e saj në Shqipëri, gjatë këtij sezoni dimëror ka patur oferta të larta për udhëtime në 17 destinacione.

Fluturimet e Ryanair do të ofrohen me çmime shumë të ulëta duke filluar vetëm nga 15 euro për një drejtim.

CEO i kësaj kompanie ajrore, Michael O’leary është shprehur se ndihet krenarë që ka patur një fluks rezervimesh që në nisje të punës së Ryanair në Shqipëri.

“Javën e ardhshme, të martën më 31 Tetor, revolucioni i çmimeve të ulëta vjen në Shqipëri me Ryanair. Ne do të nisim 17 destinacione të reja për në/nga Tirana, ku tashmë më shumë se 70% e vendeve të ofruara janë shitur per muajin e parë të operimeve. Oferta e lartë për sezonin dimëror të Ryanair në Tiranë me 17 destinacione, dhe mbi 200 frekuenca javoretregojnë kërkesën e jashtëzakonshme që ekziston për udhëtime me çmime vërtet të ulëta për ardhjen e turistëve në Shqipëri dhe për qytetarët shqiptarë gjithashtu. Si linja ajrore nr.1 në Evropë, jemi krenarë të hapim 17 destinacione të reja për në Tiranë javën e ardhshme dhe jemi të lumtur nga fluksi i rezervimeve të kryera në avancë dhe kërkesa që ekziston në Shqipëri dhe anembanë Evropës për fluturimet me çmime të ulta të Ryanair për në dhe nga Tirana”, ka thënë CEO i kompanisë “Ryanair”, Michael O’leary.

CEO i kompanisë ajrore, Michael O’leary, në një intervistë me Blendi Fevziun ka zbuluar më tepër duke thëën se me këtë linjë do të ketë rreth 200 fluturime në ditë dhe çmimet do të nisin me 15 euro drejt Romës, Parisit, Brukselit madje dhe Londrës.

“Mendoj se do të ketë rreth 200 fluturime në ditë.

Çmimet do të nisin me 15 euro për një drejtim drejt romës, Parisit, Brukselit, Londrës.

Është vërtetë 15. Por nëse dëshiron të blesh bagazhe shtesë do të paguani shtesë, nëse donit të rezervoni një sedilje të caktuar do të paguani shtesë.

Ama nëse nuk merrni bagazhe shtesë do të paguani 15 euro. Do të ketë 15 mijë fluturime me ulje gjatë tre ditëve të ardhshme mne 15 euro një rrugë.

Kemi rreth 3,300 fluturime në ditë. Mabjmë rreth 60 mijë pasagjerë në ditë dhe mbajmë rreth 200 milionë pasagjerë në vit”, është shprehur CEO i kompanisë.

Ai ka theksuar se Shqipëria do të jetë një histori suksesi dhe se aeroporti i Tiranës do të presë rreth 12-15 pasagjerësh në 3-5 vitet e ardhshme.

“Shqipëria do të jetë një histori suksesi pasi ka patur një shifër rekord fluturimesh të rezervuara paraprakisht. 70 % prej fluturimeve tona në nëntor janë rezervuar.

Mendoj se keni synuar rreth 7 milionë pasagjerë para se të fillojmë ne dhe ne synojmë të mbartim rreth 5 milionë pasagjerë në vit pas 3 vitesh. Mendoj se aeroproti i Tiranës do të presë rreth 12-15 milion pasgjerë“, ka thënë ai.

Nga ana tjetër përfaqësuesi i Kastrati Group ka folur për shifra rekord të hyrjes së turistëve në Shqipëri ndërsa thekson se industria e aviacionit në Shqipëri është në krye të çdo liste klasifikimi.

Ai shpjegon se objektivi i kësaj kompanie është është që këto zhvillime të bëhen në kohën e duhur dhe rritja të jetë e pashmangshme në të ardhmen. Në vitin e parë të operimit kjo kompani pret të ketë mbi 1.6 milionë pasagjerë ndërsa ofron mbi 1 mijë vende pune në Shqipëri.

Ryanair ka nisur një fushatë promocioanlë tre ditore në të 17 destinacionet e reja për ose nga Tirana dhe mund të rezervohen deri në 28 tetor në faqen e internetit Ryanair.com.

“Duhet të përmend disa numra, për të vendosur gjërat në perspektivë. Që prej ditës së sotme, aeroporti ka arritur 5.8 milionë pasagjerë, dhe do të arrijmë 6 milionë deri në fund të muajit, që do të thotë 7 milionë në fund të vitit. Kjo ka të bëjë me 37% rritje nga viti 2022, dhe është e jashtëzakonshme. 110% më shumë se 2019, që e vendos aeroportin e Tiranës dhe industrinë e aviacionit në Shqipëri në krye të çdo liste klasifikimi, një rikuperim nga viti 2019, post covid. Kemi punuar të gjithë së bashku dhe jemi gati të shkojmë në nivelin e ardhshëm. Objektivi i kompanisë është që këto zhvillime të bëhen në kohën e duhur dhe rritja të jetë e pashmangshme në të ardhmen. Ky është një investim i Kastrati Group, qeverisë shqiptare, Ryanair dhe mirpret çdo kompani tjetër që dëshiron që të investojë në rritjen e aeroportit ndërkombëtar të Tiranës.Në vitin e parë të operimit kjo kompani pret të ketë mbi 1.6 milionë pasagjerë ndërsa ofron mbi 1 mijë vende pune në Shqipëri” , ka thënë përfaqësuesi i Kastrati Group./ CNA