web counter
LEXO PA REKLAMA!

SHKARKO APP

App Store
Google Play

E fundit!

x

Boçi: SPAK po bën supozime pa fakte për Berishën, të arrestojë Ramën për presion

23 Tetor 2023, 11:56, Politikë CNA
Boçi: SPAK po bën supozime pa fakte për Berishën, të
Nënkryetari i PD-së, Luçiano Boçi

Nënkryetari i PD-së, Luçiano Boçi, ka reaguar sërish në lidhje me akuzat e ngritura nga SPAK ndaj ish-kryeministit Sali Berisha për privatizimin e ish-kompleksit “Partizani”.

Boçi i cilëson qesharake pretendimet e SPAK se Berisha ka ushtruar presion në pozicionin e kryeministrit për shpejtimin e procedurave të privatizimit të ish-kompleksit.

Ai deklaron se akuza është një supozim pa fakte, ndërsa thotë se SPAK ka qenë nën presion të vazhdueshëm nga kryeministri Edi Rama.

Nënkryetari i PD-së thekson se ky institucion i drejtësisë duhet të arrestojë Ramën për presionin e hapur që bën.

“SPAK, ndër akuzat qesharake të fantazuara ndaj Sali Berishës, supozon pa asnjë fakt konkret se ai ka ushtruar presion ne pozicionin e kryeministrit për shpejtimin e procedurave të privatizimit të Klubit Partizani.

Ky supozim gjithmonë supozim, pa fakte, është shndërruar në akuzë!!!???

E çuditshme!

Po vetë SPAK që ka qenë nën presion permanent nga Rama në funksionin e kryeministrit.

Me fakte, deklarata kudo madje dhe ne Asamblenë e PS.

SPAK me logjikën e tij “të shëndoshë”, jo me supozime, por me fakte duhet të arrestojë për presion për shkak të detyrës Edvin Ramën.

E jo mqs ky i bën presion hapur të ngrejë akuza false për presion të supozuar.

Mjafton ky fakt i thjeshtë për të rrëzuar akuzat e SPAK.

Për të mos folur për trafikun e interesave e favorizimet që Rama i ka bërë me ligje të posaçme e pa ligje!”, nënvizon Boçi./ CNA





Lajmet e fundit nga