E fundit!

08:13 Kosova & Bota

Britania planifikon kufizime gjatë natës në rrjetet sociale për adoleshentët

Qeveria britanike ka njoftuar plane për të vendosur kufizi...

Berisha s’pranon të takojë oficerët e policisë/ “Nuk shkel Kushtetutën si mercenarët e Ramës”

22 Tetor 2023, 08:47, Politikë CNA

Berisha s’pranon të takojë oficerët e policisë/

Ish-kryeministri Sali Berisha

Ish-kryeministri Sali Berisha foli për mediat pasi oficerët e policisë shkuan në selinë blu për t’i komunikuar masën “detyrim paraqitje” për privatizimin e ish-kompleksit “Partizani” dhe i kërkuan pasaportën, duke qenë se i është ndaluar dalja jashtë shtetit.

Berisha përsëriti se këto veprime po shkelin Kushtetutën dhe po i kufizojnë lirinë pa një vendim nga Kuvendi.

“Kushtetuta është Kushtetutë. Ky ishte një akt i turpshëm i Edi Ramës, i cili i urdhëron si mercenarë të shkelmojnë Kushtetutën. Ka një nen, neni 73 pika 2, që qartëson në mënyrë të kristaltë çdo veprim, pra deputetit nuk mund t'i kufizohet liria në asnjë lloj forme pa vendim të parlamentit”, u shpreh ai.

Kreu i PD-së bëri të ditur se oficerët e krimit ekonomik nuk pranoi t’i takojë. Berisha deklaroi gjatë një prononcimi për mediat se nëse do t’i takonte, do të shkelmonte Kushtetutën.

“Rama tani në panik të tmerrshëm, ka panik se ai e di që lëvizja dhe beteja është pa kthim, kishte dërguar, oficerë të lartë jo nga prokuroria, por drejtori i krimit ekonomik etj., që nuk mund të vinin kurrë, por të shndërruar në mercenarë mund të bëjnë çfarë u urdhërojnë. Unë nuk i takova.

Nuk pata asnjë takim personalisht sepse unë do të respektoj kushtetutën, e cila prevalon. Ky ishte turpi i Edi Ramës.

Unë ata nuk i takova fare sepse unë nuk mund të pranoj shkelmim të kushtetutës se do Edi Rama, nuk mund të pranoj. Po t’i takoja, do i thoja çojani Edi Ramës ta ziejë çaj.

Të mos i ngatërrojmë gjërat, ajo që nisi ditën e enjte është pa kthim. Edi Rama përpiqet t’i mpleksë, por me dështim. Besoj se u përgjigja”, theksoi ish-kryeministri./ CNA