Berisha, akuza të forta ndaj prokurores Millonai/ I mori dosjen Malltezit për të mbrojtur Ballën

21 Tetor 2023, 22:07, Politikë CNA

Berisha, akuza të forta ndaj prokurores Millonai/ I mori dosjen Malltezit

Enkeleda Millonai është një nga prokurorët e grupit të hetimit të dosjes së privatizimit të ish-kompleksit Partizani që firmosi urdhër-arrestin për Jamarbër Malltezin, dhëndrin e ish-kryeministrit Sali Berisha.

Ndaj kësaj prokuroreje janë ngritur një sërë akuzash nga Berisha. Gjatë konferencës me gazetarët, Berisha tha se Millonai po mbron si vëllain e saj biologjik Taulant Ballën, socialistin që dorëzoi padinë në SPAK.

Ai tha se prokurorja i kishte mohuar Malltezit të drejtën për proces gjyqësor, duke i marrë peng prej 3 vitesh dosjen e këtij të fundit për shpifje ndaj Ballës.

“Jamarbër Malltezi ka reaguar, së pari ka paditut në SKAP, Taulant Ballën për kallëzim të rremë, pasi siç e dini ai doli para shqiptarëve dhe paraqiti një dekret të Jakomonit dhe tha se ja ku janë 6 familjet e terrenit Partizani që janë shpërblyer nga regjimi i pushtimit italian.

E vërteta është që ato familje të atij dekreti, nuk ishin asnjëra nga ato që kishin pronat e klubit Partizani. Ishin të gjitha pronare të pronave që ishin të paktën 1 kilometër larg klubit Partizani.

Jamarbër Malltezi po përgatiste padinë e dytë kundër Mellonait, për dy arsye.

E para, kjo zonjë, dhe unë e kam denoncuar, në mënyrën më banditeske, dosjen e padisë që ka ngritur Jamarbër Malltezi ndaj Taulant Ballës për shpifje. Dhe pas vlerësimit të Gjykatës së Lartë, ky dosjen do e dërgonte në Gjykatën Kushtetuese, pasi rregulli për t’iu drejtuar Strasburgut, kërkon që të ezaurohen të gjitha gjykatat e vendit.

Mellonai, për të shpëtuar sivëllain e vet biologjik, merr dosjen dhe nuk ia jep dosjen prej tre vitesh, duke i mohuar qytetarit të drejtën themelore për proces gjyqësor të rregullt.

Më duhet, thotë. Po po t’u desh, mbaj origjinalin, jep dosjen e njësuar. Nuk e jepte, do mbronte me çdo kusht Taulant Ballën. Ky proces do vazhdojë, sigurisht”, theksoi Berisha./ CNA