web counter
LEXO PA REKLAMA!

SHKARKO APP

App Store
Google Play

Berisha e quan Bashën fatkeqësi të opozitës: I ka vënë gjobë atij të kullave, sulmoi qëllimisht Papulin

20 Tetor 2023, 13:29, Politikë CNA

Berisha e quan Bashën fatkeqësi të opozitës: I ka

Ish-kryeministri Sali Berisha u shpreh në konferencën e përjavshme me gazetarët se Lulzim Basha i ka vënë gjobë atij të kullave, prandaj e sulmonte. 

Berisha nënvizoi më tej se ka sulmuar edhe biznesmenin Agron Papuli, edhe pse shkon dhe merr vila te ky i fundit. Kreu i PD-së nuk ka ngurruar ta quajë Bashën një fatkeqësi për opozitën. 

 

"Ndryshimi është si nata me ditën. I madh shumë. I pari, ai tradhtoi aksionet e demokratëve, kurse unë u dal zot atyre gjer në ditën e fundit të jetës sime. I kam dalë zot atij aksioni edhe kur nuk kisha asnjë funksion drejtues.
Ndryshimi është shumë i madh. Këto që them janë të vërteta. Koha provoi se ai ishte një fatkeqësi, nuk po e lëshoj gojën më shumë. Ai përdori qenien në krye të PD, lëvizjen, forcën politike për qëllime tërësisht personale. Këto janë të faktuara dhe do faktohen gjëra të tjera. E dëgjuat historinë e kullave? Ky i kishte vënë gjobë atij, prandaj e sulmonte. Apo, e theksova edhe mbrëmë, Papulin? Papulin e paska sulmuar nja dy-tri herë në parlament Papulin se po ndërtonte ai kulla. Kur del, shkon dhe merr dy-tri vila te Papuli. Ndryshimi është si nata me ditën. Ai është një fatkeqësi për opozitën. Nga ta dinin demokratët se ka një njeri të tillë? Nga ta dija unë se ai ishte i tillë? Tani dalin gjërat", u shpreh Berisha./CNA

 

 

 





Lajmet e fundit nga