web counter
LEXO PA REKLAMA!

SHKARKO APP

App Store
Google Play

Bardhi shpjegon arsyet/ Pse opozita bllokoi sot seancën parlamentare

19 Tetor 2023, 11:20, Politikë CNA

Bardhi shpjegon arsyet/ Pse opozita bllokoi sot seancën parlamentare

Kreu i grupit parlamentar të Partisë Demokratike, Gazment Bardhi, ka zbuluar arsyet pse opozita sot ka bllokuar nisjen e seancës parlamentare duke përmbysur karrigen e kryeministrit Edi Rama dhe duke zënë vendet e ministrave në Kuvend.

Në deklaratën për mediat, Bardhi u shpreh se opozitës nuk po i lejohet e drejta të bëjë propozimet e saj për anëtarët e komisionit për Reformën Zgjedhore si dhe pengimin e së drejtës për të kërkuar një komision hetimor për koncesionet në shëndetësi.

Bardhi theksoi se për shkak të konflikteve brenda PD-së, opozita nuk ka kërkuar të drejtat e saj.

“Opozitës nuk i lejohet të bëjë propozimin e anëtarëve që ajo dëshiron në komisionin e Reformës Zgjedhore.

Kemi dashur që parlamenti të jetë një tempull ku përballemi me argumente.

Për shkak të konfliktit nuk kemi kërkuar këto të drejta, jemi detyruar që sot të mos lejojmë vazhdimin e seancës plenare. Do donim të flisnim për hallet e qytetarëve, por kur ti opozitës i mbyll çdo rrugë institucionale padyshim që kuvendi nuk mund të zhvillojë veprimtari normale. Qytetarët duhet të kuptojnë se beteja jonë është për të kthyer parlamentin në vend.

E drejta e opozitës për hetim parlamentar është një e drejtë e caktuar nga kushtetuta. Këto janë arsye pse bllokuam seancën  parlamentare”, tha Bardhi./ CNA





Lajmet e fundit nga