web counter
LEXO PA REKLAMA!

SHKARKO APP

App Store
Google Play

E fundit!

x

Bushati kundërshton Macronin/ “Data e anëtarësimit është e rëndësishme, ne nuk jemi nxënës të mirë”

17 Tetor 2023, 21:55, Politikë CNA
Bushati kundërshton Macronin/ “Data e anëtarësimit
Ish-ministri i Jashtëm, Ditmir Bushati

Ish-ministri i Jashtëm, Ditmir Bushati, e ka parë me skepticizëm deklaratën e presidentit francez, Emmanuel Macron për anëtarësimin e Shqipërisë në BE.

Ndryshe nga Macron, i cili tha se data fikse nuk është e rëndësishme, Bushati ka shprehur të kundërshtën.

Ai deklaroi në një intervistë televizive se data është një lloj afati që motivon të dyja palët që të bëjnë detyrat, ndërsa e cilësoi vendin tonë si një “nxënës të keq”.

“Data është shumë e rëndësishme pasi është një lloj afati. Kjo është shumë e rëndësishme për detyrat që duhet të bëjnë të dyja palët. E para, edhe drejtuesi i emisionit BE dhe i ftuari që synon të jetë në BE. Mendoj që datat janë motivuese se ne nuk jemi nxënës të mirë, ne nuk kemi pronësi lokale mbi reformat. Sepse në rast se ne do të kishim pronësi lokale mbi reformat, në rast se ne do të ishim zvicerianë, norvegjezë, Europa mund të ishte temë e 100-të, ose do të na lutej ne BE-ja siç ka lutur ato dy vende. Në këtë kontekst, deklarimi i Charles Michel i një date është i rëndësishëm mendoj, por data duhet të kthehet në një plan konkret. Sepse në qoftë se nuk ka një plan konkret, mund të nxisi cinizëm, mund të nxisi zhgënjime, siç ishte rasti i datës së famshme që doli nga goja e komisionerit Han për 2025 për Serbinë dhe Malin e Zi, siç u rishikua strategjia e zgjerimit në 2018 dhe ja ku jemi”, theksoi ish-ministri i Jashtëm./ CNA





Lajmet e fundit nga