web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama do t'i mbyllë gojën Ahmetajt

17 Tetor 2023, 19:57, Politikë CNA
Berisha: Rama do t'i mbyllë gojën Ahmetajt
Ish-kryeministri Sali Berisha

Këtë të martë u raportua se SPAK i ka dërguar porosi “Meta”-s, kompanisë gjigande të rrjeteve sociale siç është “Facebook” që të lokalizojë vendndodhjen e ish-zv.kryeministrin Arben Ahmetaj, i cili është shpallur në kërkim ndërkombëtar për aferën e inceneratorëve.

Lidhur me këtë lajm ka ardhur një reagim nga ish-kryeministri Sali Berisha, i cili e quan letërporosinë një superskandal digjital.

Me anë të një statusi në rrjetet sociale, Berisha thotë se ky akt është bërë me urdhër të kryeministrit Edi Rama.

Sipas tij, qëllimi i Ramës nuk është lokalizimi i Ahmetajt, por frikësimi i këtij të fundit që të mos denoncojë vjedhjet e kreut të qqeverisë dhe kryebashkiakut të Tiranës, Erion Veliajt.

“Super skandal dixhital!

Rama i tmerruar nga statuset në llogarinë facebook të Arben Ahmetaj, udhëron SPAK-un të sekuestrojë facebook-un e tij.

Të dashur miq, sot Skapi i Partisë informoi opinionin se i ka kërkuar kompanisë Meta vendodhjen sipas facebook të Arben Ahmetaj.

Sipas kësaj komunikate kjo qenka mënyre për të rënë në gjurmët dhe gjetur vendodhjen e të zhdukurit Arben Ahmetaj.

Kjo është një tallje me publikun. Është i mirënjohur fakti se pas këtij njoftimi, Arben Ahmetaj me një administrator mund t’i postojë statuset nga ndërtesa e Këshillit të Ministrave nga cepi i globit dhe këtë Skapi e din fort mirë. Por kërkesa e Ramës nuk ka asnjë lidhje me gjetjen e vendndodhjes së Ahmetajt, mbasi ai këtu ishte dhe e njoftuan që të largohej një javë para se të lëshonin fletë-arrestin e tij. Kështu që qëllimi nuk është aspak vendndodhja, por është frikësimi i Ahmetajt, që të mos denoncojë vjedhjet e vet Ramës, Veliajt në Facebook.

Ramës nuk i mbetet gjë tjetër vetëm të urdhërojë SPAK-un e Partisë të sekuestrojë valët e RFI, radios ndërkombëtare të Francës, që bash ditën e Samitit Europian denoncoi lidhjet e Ramës me drogën. #sb”, shkruan Berisha./ CNA





Lajmet e fundit nga