web counter
LEXO PA REKLAMA!

SHKARKO APP

App Store
Google Play

E fundit!

x

Berisha pas mbledhjes: Ramës do t'i japim përgjigjen e merituar, të na bashkohen deputetët e Lul-pengut

17 Tetor 2023, 14:54, Politikë CNA

Berisha pas mbledhjes: Ramës do t'i japim përgjigjen e merituar,

Ish-kryeministri Sali Berisha, pas mbledhjes me deputetët demokratë tha se në seancën e radhës në parlament se opozita do t'i japë përgjigjen e merituar kryeministrit Edi Rama. 

 

"Situatës së jashtëzakonshme të krijuar në parlament nga Edi Rama, i cili në një qëndrim të paprecedentë në historinë e parlamentarizmit, merr përsipër t'i caktojë opozitës kryetarin e saj, të bllokojë çdo Komision Hetimor Parlamentar që nuk i intereson, merr përsipër të bllokojë të gjitha këto në kundërshtim me Kushtetutën, çdo iniciativë ligjore të deputetëve të parlamentit, dhe janë me dhjetëra të tilla, grupi parlamentar e konsideron këtë një situatë të jashtëzakonshme dhe garanton qytetarët se që në seancën e ardhshme dhe në vazhdim, do të japë çdo përgjigje të merituar. Sot Shqipëria në parlamentin e saj nuk më pluralizmin e vërtetë. Sot ka një pushtet të Edi Ramës, po e theksoj edhe njëherë, dje Radio France International, e akuzon si të lidhur me drogën. Ndërkohë janë të dhënat e gjithanshme për lidhjet e tij me kartelet më të rrezikshme të botës, tani këtij i duhet të shuajë me çdo kusht, zërat e opozitës së vërtetë dhe të mbajë pluralizmin me peng opozitën. Këto akte janë antidemokratike, destabilizuese dhe janë të papranueshme për popullin opozitar. Ju garantoj se ne hyjmë në një periudhë të re, në të cilën do të fitojmë, në të cilën populli opozitar do të fitojë", u shpreh Berisha. 

Berisha shtoi më tej se Gazment Bardhi është kryetari i Gupit Parlament të PD-së, i të gjithë deputetve, përvec një grupi të vogël që kanë mbetur krah Bashës. Ai i ftoi këta që të bashkohen me deputetët demokratë në aksionin opozitar të radhës. 

"Ata nuk janë aty si deputetë për t'u përdorur nga Lulzim pengu dhe Edi Rama. I ftoj t'i bashkohen sa më parë grupit parlamentar të PD-së", përfundoi ai.





Lajmet e fundit nga