web counter
LEXO PA REKLAMA!

SHKARKO APP

App Store
Google Play

E fundit!

x

SPAK i sekuestroi tokën bashkëshortit/ Reagon Olta Xhaçka, ish-ministrja sulmon Berishën

25 Tetor 2023, 13:19, Politikë CNA

SPAK i sekuestroi tokën bashkëshortit/ Reagon Olta Xhaçka,

Ish-ministrja Olta Xhaçka ka reaguar pasi SPAK sekuestroi truallin e bashkëshortit të saj Artan Gaçi në Palasë.

Xhaçka thotë se askush nuk do ta pengojë SPAK-un të bëjë punën e vet, ndërsa i përgjigjet me sulm edhe akuzave të ish-kryeministrit Sali Berisha.

Ajo e cilëson Berishën si një kusar me damkë dhe shpifës me nam. Ish-ministrja thekson se sekuestroja ka ndodhur prej disa javësh për të hetuar origjinën e një prone private që nga viti 1994.

“Një kusar me damkë dhe shpifës me nam si Sali Berisha nuk mund t’i bëjë askujt moral.

Bashkëshorti im nuk ka marrë asnjë metër katror tokë nga shteti për investimin e tij privat dhe vënia nën sekuestro preventive prej disa javësh e nje pjese te kantierit të investimit, për të hetuar origjinën e një prone private qysh nga viti 1994 është pjesë e një procesi që unë as e dyshoj në qëllim, as e komentoj në meritë. 

SPAK-u të bëjë punën e vet i papenguar nga askush, ndërsa Sali Berisha le të vazhdojë të lehë për të tërhequr vëmendjen nga pantallonat e rëna deri në fund!”, nënvizon Xhaçka./ CNA





Lajmet e fundit nga