web counter
LEXO PA REKLAMA!

SHKARKO APP

App Store
Google Play

E fundit!

x

Do të shkojë sot në GJKKO?/ Berisha: Jam i gatshëm në çdo kohë, por…

24 Tetor 2023, 11:03, Politikë CNA
Do të shkojë sot në GJKKO?/ Berisha: Jam i gatshëm në
Ish-kryeministri Sali Berisha

Ish-kryeministri Sali Berisha ka folur për gazetarët për akuzat e ngritura ndaj tij dhe për seancën ndaj tij që mbahet sot në GJKKO.

Berisha tha për mediat se po konsultohet me juristët që të marrë hapat e duhur.

I pyetur nëse do të marrë pjesë në seancën e sotme, ai deklaroi se është i gatshëm të paraqitet për t'u pyetur, por theksoi se nuk mund të pranojë të shkelë Kushtetutën.

“Për vendimet antikushtetuese. S'e bëj për vete këtë. Siç e dini ju, jam njeriu që kam dërguar në Parlament ligjin, i cili vendoste barazinë e plotë mes çdo zyrtari në Kushtetutë. Këtë ligj e ktheu me forcën e kartonit Rama. Jam gati ta votoj nesër. Përderisa ky ligj është në Kushtetutë, nuk pranoj asnjë kompromis për shkeljen e tij. Po konsultohem me juristë.

Në çdo kohë unë jam i gatshëm të paraqitem për t'u pyetur dhe për çdo gjë, e vetmja gjë që unë nuk mund të pranoj këtu të shkel Kushtetutën e vendit. Të ndryshojmë kushtetutën. Jam autori i ligjit që kjo mbrojtje të mos ekzistojë. Hajde të ndryshojmë Kushtetutën, por jo ta menderosim Kushtetutën.

Sa kureshtje keni ju, besoj me këto që u përgjigja jam korrekt fare. Piramida e trillimit, mashtrimit e falsifikimit do të shembet dhe u garantoj se nuk pengoj asnjë proces hetimor”, u shpreh ai.

Kujtojmë se Berisha masën “detyrim paraqitje” të marrë ndaj tij e ka cilësuar si vendim në shkelje të Kushtetutës./ CNA





Lajmet e fundit nga