web counter
LEXO PA REKLAMA!

SHKARKO APP

App Store
Google Play

E fundit!

x

Humbje për Bashën/ Gjykata pranon PD-në e Berishës si palë në gjyqin për statutin

25 Tetor 2023, 11:02, Politikë CNA

Humbje për Bashën/ Gjykata pranon PD-në e Berishës si

Të mërkurën, Gjykata Civile ka legjitimuar Partinë Demokratike të drejtuar nga Sali Berisha, në procesin gjyqësor për regjistrimin e ndryshimeve statutore që u bënë në Kuvendin Kombëtar të kësaj partie, të zhvilluar më 2 shtator. 

Mësohet se Çlirim Gjata dhe Franc Nuri janë përfaqësuesit e Berishës në këtë proces gjyqësor. 

Por, gjatë seancës gjyqësore, përfaqësuesi i PD-së së "vulës", Rezart Kthupi, solli argumente kundër. Ky i fundit u shpreh se është sjellë një letër autorizimi me firmën e Sali Berishës, ndërsa shtoi se përfaqësimin nuk mund ta bëjë Rithemelimi në gjyq pasi sipas tij i ka mbaruar tagri. Ai nënvizoi më tej se nevojitet akti me të cilin ky komision është themeluar.

Ndërsa Çlirim Gjata kërkoi pezullimin e seancës gjyqësore derisa Gjykata e Lartë të shprehet për rekursin që përfaqësuesit e Berishës kanë depozituar për çështjen e logos dhe të vulës, ku Apeli i Përgjithshëm e ktheu në shkallë të parë.

“Kërkojmë pezullimin e procesit derisa Gjykata e Lartë të shprehet për rekursin që Rithemelimi ka depozituar për vendimin e 3 marsit, ku Apeli i Përgjithshëm ktheu në shkallë të parë çështjen e logos dhe vulës. Një vendim i Gjykatës Civile për regjistrimin e ndryshimeve statutore të 2 shtatorit, do të mbivendoste dy vendime të ndryshme", u shpreh ai. 

Ndërkohë seanca e radhës është vendosur që të mbahet më 1 nëntor, ora 13:00./CNA





Lajmet e fundit nga