web counter
LEXO PA REKLAMA!

SHKARKO APP

App Store
Google Play

E fundit!

x

Jozefina Topalli i shkon në zyrë Berishës

24 Tetor 2023, 11:54, Politikë CNA
Jozefina Topalli i shkon në zyrë Berishës
Jozefina Topalli

Anëtarja e Kryesisë së PD-së, Jozefina Topalli, ka mbërritur në selinë e PD-së, mesditën e sotme për t’u takuar me ish-kryeministrin Sali Berisha.

Ish-kryetarja e parlamentit pritet të zhvillojë një bisedë me Berishën. 

Pak më herët ish-kryeministri Sali Berisha foli gazetarët për akuzat e ngritura ndaj tij dhe për seancën që mbahet sot në GJKKO.

Berisha tha për mediat se po konsultohet me juristët që të marrë hapat e duhur. I pyetur nëse do të marrë pjesë në seancën e sotme, ai deklaroi se është i gatshëm të paraqitet për t'u pyetur, por theksoi se nuk mund të pranojë të shkelë Kushtetutën.

Seanca e sotme në GJKKO për dosjen e privatizimit të ish-kompleksit "Partizani" do të zhvillohet në orën 14:00. 

Në këtë seancë është parashikuar të merret në pyetje si person nën hetim ish-kryeministri Sali Berisha.

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezi.

Ky i fundit ndodhet në qeli, pasi GJKKO i ka caktuar masën "arrest me burg". Prokuroria e Posaçme thotë se ai ka kryer korrupsion. Ndërkohë për sipërmarrësin Fatmir Bekteshi është vendosur masa "detyrim paraqitje"./CNA

 

 





Lajmet e fundit nga