web counter
LEXO PA REKLAMA!

SHKARKO APP

App Store
Google Play

E fundit!

x

Xhaferri: Alabbari dhe ish-pronarët, dy standardet e Ramës dhe Berishës!

25 Tetor 2023, 10:33, Politikë CNA
Xhaferri: Alabbari dhe ish-pronarët, dy standardet e Ramës dhe
Kreu i FRPD-së, Besart Xhaferri

Kreu i FRPD-së, Besart Xhaferri, ka reaguar sërish për akuzat e ngritura ndaj ish-kryeministrit Sali Berisha në lidhje me privatizimin e ish-kompleksit “Partizani”.

Xhaferri krahason çështjen e “Partizanit” me Portin e Durrësit dhe thotë se në të dyja këto raste po veprohet me standarde të ndryshme.

Ai deklaron se projekti i ndërtimeve në Portin e Durrësit është vjedhja më e madhe e pronës publike.

Kreu i FRPD-së thekson se krahasimi i vendimeve qeveritare për çështjet e ish-kompleksit “Partizani” dhe Portit të Durrësit për të kuptuar se si kryeministri Edi Rama duhej të ishte në burg.

Deklarata e plotë:

Alabbari dhe ish pronarët, dy standardet e Ramës dhe Berishës!

Ish Kryeministri Sali Berisha, sot është në shënjestër të SPAK vetëm për faktin se ish pronarëve u dha mundësia që të marrin pronat e tyre të uzurpuara nga regjimi komunist, teksa mes mijëra përfitueseve nga ky ligj i drejtë është edhe dhëndri i tij Jamarbër Malltezi, pasardhës i një nga dyerve të mëdha të kryeqytetit Tiranës.

Kush e ka lexuar dosjen e kupton se qëndrimi i Kryeministrit Sali Berisha ka qënë parimor dhe nga ato vendime të drejta të asaj qeverie është zhbërë një padrejtësi rreth 60 vjeçare dhe çdo komunikim zyrtar është transparent dhe i aksesueshëm, pasi diskutimet janë bërë në mbledhjen e qeverisë dhe jo në restorantet e Nusretit në Dubai.

Pyetja që çdo shqiptar i ndershëm i bën vetes është a do duhej të ishte nën hetim kryeministri Rama për aferën e Portit të Durrësit, pasi projekti i ndërtimeve “Alabbar” është vjedhja më e madhe e pronës publike, korrupsioni më harbut dhe arrogant që kjo qeveri ka bërë ndonjëherë.

Kjo aferë tejkalon edhe inceneratorët, edhe PPP shktarrimtare në shëndetësi e infrastrukturë, por pavarësisht gjenocidit mbi taksat e shqiptarëve, Rama nuk thirret nga SPAK.

Përmes kësaj afere Edi Rama dhe Alabbar i vodhën Durrësit dhe gjithë Shqipërisë asetin më të vlefshëm, Portin e Durrësit.

Kryeministri Edi Rama i fali Alabbarit 231 milionë euro duke e përjashtuar nga taksat, para të cilat ua merr qytetarëve durrsakë.

Kjo aferë vjen në dhunim me të gjitha ligjet e vendit, teksa vetë Rama deklaroi me mburrje se i dha Alabbarit territorin prej 1.5 milion metra katrorë të ndërtimit.

Mjafton vetëm krahasimi i vendimeve qeveritare për çështjet e kompleksit Partizani dhe Portit të Durrësit për të kuptuar se si Kryeministri Edi Rama, nuk do duhej të ishte nën hetim por në qeli!/ CNA





Lajmet e fundit nga