E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Berisha: Si u inskenua arrestimi i Belerit, policia pagoi një person për të provokuar aktin korruptiv

24 Tetor 2023, 13:11, Politikë CNA

Berisha: Si u inskenua arrestimi i Belerit, policia pagoi një person

Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka bërë një denoncim në lidhje me çështjen e Fredi Belerit, kryebashkiakut të zgjedhur të Himarës.

Berisha publikoi mbrëmjen e së hënës në emisionin e Çim Pekës një mesazh, ku pretendohej se policia dhe SPAK inskenuan arrestimin e Belerit.

Sipas tij, policia ka paguar me 7 milionë lekë të vjetër nga fondi sekret i Policisë së Shtetit një person të quajtur Arsen Rama.

Kryedemokrati tha se duke bërë stimulantin, ky person futi në kurth Fredi Belerin.

Denoncimi i Berishës:

Rama po degradon në shkallë ekstreme organin e akuzës, SKAP-in. Unë dua të informoj shqiptarët sonte për disa të vërteta lidhur me problemin e Belerit.

‘Zoti Berisha dua t’u njoftoj se personi që është përdorur nga Policia e Shtetit për të kryer veprimin stimulues ndaj tij (Belerit), të aktit korruptiv ndaj Fredi Blerit është paguar me 700 mijë lek (7-milionë lek të vjetra). Pagesa është bërë nga Fondi i Posaçëm Sekret i Policisë së Shtetit. Sipas njoftimit të SPAK, për dërgimin për gjykim të procedimit penal numër 111 të vitit 2023, në ngarkim të Belerit… dhe ky person quhet Arsen Rama.

Është kryer një skandal nga drejtuesit vendorë dhe qendrorë të policisë. Drejtori i Vlorës, Ermal Muçaj dhe Drejtori i Departamentit të Policisë Kriminale, Neritan Nallbati kanë vepruar në kundërshtim me ligjin për Policinë e Shtetit dhe udhëzimin e Ministrisë së Brendshme për administrimin e fondit sekret. Shtetasi Arsen Rama është trajtuar si burim konfidencial dhe e ka marrë këtë shpërblim duke u paguar me mandat pagese nga arka e policisë sipas një procedure, e cila është klasifikuar sekret shtetëror.

Dëshmia e tij para gjykatës është e pavlefshme dhe kjo provë duhet të deklarohet e papërdorshme. Ka dy mënyra për t’u njohur me këtë praktikë shpërblimi të klasifikuar si sekret shtetëror. Disponimi nga gjykata me kërkesë të mbrojtjes sipas parashikimit të dispozitave të kodit të procedurëa penale, njëra, tjetra nëpërmjet komisionit hetimor parlamentar në përbërje të të cilit duhet të ketë deputetë të pajisur me çertifikatën e sigurisë.

Mënyra se si ka vepruar burimi konfidencial i policisë, duke e provokuar ai vetë aktin korruptiv, dhe shpërblimi prej 7 milionë lekësh i provokatorit që ka marrë nga policia, e bën të pavlefshme dëshminë e tij para gjykatës. Në paragrafin 3 të nenit 294 të Kodit të Procedurës Penale, veprimet stimuluese parashikohen se, nuk duhet provokuar një akt kriminal duke shtyrë një person të kryejë një krim të cilin nuk do ta kishte krye po të mos ishte ndërhyrjë e policisë (provokatori). Ky vërtetohet si provokim dhe rezultati nuk mund të përdoret. Ky është Edi Rama. Ai qëndron pas këtij kurthi që na fut në konflikt me një fqinj.