web counter
LEXO PA REKLAMA!

SHKARKO APP

App Store
Google Play

Ekskluzive – Arrestime të tjera për inceneratorin e Tiranës

18 Dhjetor 2023, 20:50, Aktualitet CNA

Ekskluzive – Arrestime të tjera për inceneratorin e Tiranës

Dosja e inceneratorit të Tiranës nuk është mbyllur me 15 urdhër-arrestet dhe vendimet e Gjykatës dhënë pak ditë më parë nga GJKKO me kërkesë të SPAK-ut.

Burime zyrtare nga SPAK-u i thanë CNA se dosja e inceneratorit të Tiranës ka shumë fraksione. Është si ajo e Elbasanit, por me më shumë të tilla.

Në rastin e Elbasanit, dosja e SPAK-ut ka pasur tri fraksione, zyrtarë të lartë të qeverisë, midis tyre edhe ish-zëvendëskryeministrin Arben Ahmetaj, ish-ministrin Damian Gjiknuri dhe ministri tjetër në atë kohë i Drejtësisë përfaqësuesi i Lëvizjes Socialiste për Intergim, Nasif Naço.

Sipas burimeve zyrtare për CNA, dosja e inceneratorit të Tiranës ka rreth 17 fraksione, ku janë në hetim dhjetëra persona të tjerë.

Burime zyrtare i thanë CNA-së se janë kryer procedurat dhe priten disa dhjetëra arreste të tjera në lidhje me zyrtarë të përfshirë në aferën e shekullit, aferën e inceneratorëve, e cila tashmë është konturuar si një krim shtetëror, si një vjedhje, abuzim, kur në Tiranë, një kontratë koncesionare për rreth 1 miliard euro në 30 vite, për një incenerator që nuk ekziston, nga një kompani fantazmë që duhet të financonte 128 milionë euro në 6 vite dhe në kryeqytet, te landfilli i Sharrës ku ende nuk ka incenerator dhe gjurmë të tij.

Po i njëjti burim i theksoi CNA-së se veprimet e SPAK-ut janë të shpejta dhe në ditët në vijim do të ketë zhvillime shumë të forta. Në këto fraksione dosjesh përfshihen edhe zyrtarë të lartë të shtetit shqiptar, përfshirë këtu ministra apo kryetarë bashkie./ CNA





Lajmet e fundit nga