web counter
LEXO PA REKLAMA!

SHKARKO APP

App Store
Google Play

Shqiptari pagoi 4 mijë euro për të shkuar në Britani, por ndërroi jetë/ Motra hedh dyshime: U keqtrajtua!

18 Dhjetor 2023, 15:12, Aktualitet CNA
Shqiptari pagoi 4 mijë euro për të shkuar në Britani, por
Leonard Farruku, 27 vjeç

"The Telegraf" i ka kushtuar një artikulli një azilkërkuesi shqiptar, i cili ndërroi jetë në Bibby Stokholm.

Ngjarja u raportua si një vetëvrasje, por motra e tij ka hedhur dyshime lidhur me mënyrën se si ai ndërroi jetë dhe është shprehur se nuk do të gjejë paqe derisa të zbulohet e vërteta.

Madje ajo shprehet se ka dijeni se është trajtuar si kafshë para se të ndërronte jetë.

Në artikull thuhet se Leonard Farruku, 27 vjeç, me origjinë nga Durrësi pagoi 4,000 euro për të kaluar Kanalin me një varkë të vogël verën e kaluar.

Azilkërkuesi ishte ankuar për shëndetin e tij mendor një ditë para se të vdiste dhe, sipas emigrantëve të tjerë në maune, 27-vjeçari ishte dëgjuar duke bërtitur dhe përplasur në murin e kabinës së tij.

Motra e tij, Jola Dushku, 33 vjeçe, e cila jeton në Lombardi të Italisë, tha se ishte e tronditur nga lajmi, të cilin e morën vesh nga të afërmit në Mbretërinë e Bashkuar.

Ajo tregoi dhe historinë e trishtë të familjes së saj ku tregoi se prindërit e tyre vdiqën kur Jola Dushku dhe vëllai i saj ishin fëmijë. Sipas saj, kjo tragjedi ndikoi shumë në të ardhmen dhe sjelljen e Leonard Farrukut.

Mendohet se aktualisht janë 300 azilkërkues meshkuj të vendosur në maune. Ai ka një kapacitet për deri në 506 emigrantë, të cilët pritet të ndahen dy, tre ose katër në një kabinë./ CNA





Lajmet e fundit nga