web counter
LEXO PA REKLAMA!

SHKARKO APP

App Store
Google Play

E fundit!

x

Gara e fluturimit të lirë/ Korça, destinacioni ideal që pret dhjetëra parashutistë

17 Dhjetor 2023, 18:35, Aktualitet CNA
Gara e fluturimit të lirë/ Korça, destinacioni ideal që
Drejtuesi i Federatës Aeronautike, Alket Islami

Korça priti këtë të dielë, garën ndërkombetare të fluturimit të lirë në precision. Gara në kuadër të “Korça Open Air” u zhvillua në zonën e Maliqit. Pjesë e këtij kompeticioni ishin më shumë se 40 pjesmarrës.

Drejtuesi i Federatës Aeronautike, Alket Islami tregoi se ky është viti i 10 radhazi që këto gara zhvillohen në Korçë, falë relievit të kësaj të fundit dhe mundësive shumë të mira që zhvillon për këtë sport. Islami bëri me dije se pjesmarrësit janë kryesisht nga vendet e Ballkanit, ku kryesojnë ata nga Kosova, por jo vetëm.

Teksa tregoi synimet për ta zgjeruar këtë sport, duke evidentuar edhe impaktin që jep në turizëm dhe të ardhurat e rajonit ku zhvillohet, Islami nënvizoi se Korça është e denjë që të zhvillojë edhe gara ndërkombëtare të nivelit europian dhe botëror.

“Në Korçë jemi në vitin e 10 të organizimit të dy garave. Është një vend që nuk të lë pa luajtur dhe që mudn të luhen dhe gara ndërkombëtare.”, tha ai.

Parashutisti Xhonatan Islami tregoi se ekipi shqiptar ka pasur rezultate në përmirësim duke synuar trofe të rëndësiahme në garat ndërkombëtare siç janë ato europiane e botërore.

Në Europian e fundit Xhanatani mban një rezultat mkaft të mirë duke i rënditur i katërti dhe vendin e nëntë në botërorin e mbajtur një muaj më parë në Bullgari.  Vitin që vjen Europiani do të zhvillohet në Gjirokastër dhe Xhonatani synon fitoren.

“Ka pasur vetëm përmirësim dhe shumë shpejt do të shikojmë rezultate të rëndësishme.”, tha ai.

Artion Vreto sekretar i kësaj federate tregon se Korça  është një ndër vendet më të mira për fluturimet , duke orhanizuar gara të ndryshme. Kjo theksoi ai, ndihmon  për promovimin e qytetit dhe turizmin në këtë zonë.

“Korça është një ndër vendet më të mira për fluturime. Në qendër të vëmendjes tonë janë qytet që ofrojnë mbështetje për zhvillimin e këtij kompeticioneve.”, tha ai.

Zonat më të mira në Korçë për t’u hedhur me parashutë janë në Maliq dhe Moravë./ CNA





Lajmet e fundit nga