“Kemi kaluar një fazë jodinjitoze”/ Rama: Sportistët, sot shpërblehen, i kemi dhënë mbështetje FSHF-së

16 Dhjetor 2023, 19:33, Aktualitet CNA

“Kemi kaluar një fazë jodinjitoze”/ Rama: Sportistët,

Edi Rama

Kryeministri Edi Rama mbajti një fjalim në mbrëmjen e yjeve të sportit, nga ku deklaroi se Shqipëria ka kapërcyer një fazë jashtëzakonisht të vështirë sa i përket sportit pasi më parë kampionët e sportit merrnin arratinë dhe garonin me flamuj të tjerë .

Rama është shprehur se sot është garantuar që kjo gjë të mos ndodhë më kurrë, pasi qeveria ka mbështetur sportistët.

Numri një i qeverisë tha, se të gjithë sportistët që arrijnë rezultate më modeste, tituj kombëtar shpërblehen dhe përfshihen në një sitetm i cili siguron që edhe pas mbarimit të aktivitetit sportiv kanë një vend të nderuar në shoqëri.

Rama kujtoi se tashmë sportistët kanë paga dhe pension dhe u janë dhënë grada të larta pa llogaritur që shpërblimet për sportistët tanë që sjellin medalje në vendin tonë, janë ndër më të lartat në Europë.

Ndër të tjera kryeministri theksoi se pak ditrë më parë i është dhënë një mbështetje FSHF-së për përgatitjen për në kampionatin Europian.

“Kemi kapërcyer një fazë jashtëzakonisht të vështirë dhe jodinjitoze për të gjithë ne, për shtetin tonë, për qeverinë, për komunitetin,për federatat.

Atë fazë, ata kampionë që kishim ose merrnin arratinë dhe hynin në garë për flamuj të tjerë ose nuk arrinin ndonjë rezultat me flamurin shqiptar mbeteshin pa mbështetje.

Sot është garantuar që kjo nuk do të ndodhë më kurrë. Të gjithë sportistët që arrijnë rezultate më modeste, tituj kombëtar shpërblehen dhe përfshihen në një sitetm i cili siguron që edhe pas mbarimit të aktivitetit sportiv kanë një vend të nderuar në shoqëri.

Duke u përfshirë në FA, duke patur grada të larta, që janë simbolike se nuk ushtrojnë veprimtari nënkolonelësh apo kolonelësh, janë përputhur me pagat dhe pensionet. Pa llogaritur që shpërblimet për sportistët tanë që sjellin medalje në vendin tonë, janë ndër më të lartat në Europë. Vetëm kështu ne kemi bërë të mundur largimin e sportistëve. Kemi sportistë që vijnë nga vend të tjera që vijnë për të konkuruar me flamurin shqiptar.

Para pak ditësh i kemi dhënë dhe një mbështetje FSHF për të pastur lehtësi në aspektin e përgatitjes për rrugën e Europianit të ardhshëm”, tha Rama.