web counter
LEXO PA REKLAMA!

SHKARKO APP

App Store
Google Play

Për herë të parë në 2027/ Një vend i ri i bashkohet Eurovisionit

1 Korrik 2026, 19:11, Lifestyle CNA

Për herë të parë në 2027/ Një vend i ri i

Pas anëtarësimit të plotë në Bashkimin Europian të Transmetuesve (EBU), Kanadaja bëhet vendi i parë i ri që i bashkohet garës që nga viti 2015.

Kanadaja do të marrë pjesë në Festivalin Europian të Këngës (Eurovision) në vitin 2027, kanë konfirmuar organizatorët. Ky vend bëhet pjesëmarrësi i parë i ri që i bashkohet kompeticionit që nga viti 2015, kur u përfshi Australia.

Rruga për pjesëmarrjen e Kanadasë u hap javën e kaluar, kur transmetuesi publik i vendit, CBC/Radio-Canada, u bë anëtar i plotë i Bashkimit Europian të Transmetuesve (EBU), organi që organizon këtë garë vjetore.

Megjithëse është hera e parë që Kanadaja garon si shtet, ajo ka një histori të lidhur me festivalin. Këngëtarja me origjinë nga Quebec-u, Céline Dion, përfaqësoi Zvicrën në vitin 1988 dhe arriti të fitonte trofeun me këngën "Ne Partez Pas Sans Moi". Po ashtu, artistë të tjerë kanadezë kanë përfaqësuar ndër vite vende si Franca.

Sipas organizatorëve, debutimi i Kanadasë do të ndodhë në gjysmëfinalet e vitit të ardhshëm në Bullgari. Detajet mbi mënyrën se si do të përzgjidhet përfaqësuesi kanadez pritet të bëhen të ditura nga CBC/Radio-Canada më vonë gjatë këtij viti.

Pjesëmarrja e Kanadasë vjen pas një viti të trazuar për Eurovisionin, ku disa vende si Irlanda, Spanja, Islanda, Holanda dhe Sllovenia u tërhoqën nga gara e vitit 2026 për shkak të polemikave mbi pjesëmarrjen e Izraelit.

Fituesja e këtij viti ishte ylli bullgar i pop-it, Dara, me këngën "Bangaranga", ndaj edicioni i vitit 2027 do të mbahet në Sofje. Drejtuesit e Eurovisionit kanë lënë të hapur mundësinë e dialogut për rikthimin e vendeve që bojkotuan këtë vit, duke shprehur dëshirën që "familja" e Eurovizionit të ribashkohet. /CNA





Lajmet e fundit nga