web counter
LEXO PA REKLAMA!

SHKARKO APP

App Store
Google Play

E fundit!

x

Si Erion Veliaj po përgënjeshtron veten për inceneratorët inekzistentë të Tiranës dhe Elbasanit

16 Dhjetor 2023, 16:35, Aktualitet CNA

Si Erion Veliaj po përgënjeshtron veten për inceneratorët

Kryetari i Këshillit Bashkiak i PD-së, Ilir Alimehmeti ka publikuar disa deklarata të kryebashkiakut Erion Veliaj ku tregon se si përgënjeshtron veten në lidhje me inceneratorin e Tiranës, që nuk ekziston dhe atë të Elbasanit që kërkon mbi 2 milionë euro për tu mirëmbajtur.

Alimehmeti ka komentuar deklaratën e Veliaj, pak ditë më parë në një emision ku deklaronte se nuk ishte ai që kishte kërkuar ndërtimin e inceneratorit të Tiranës dhe se Bashkia e Tiranës ishte vetëm një kliente e qeverisë.

Kryetari i Këshillit Bashkiak i PD-së, Alimehmeti është kthyer pas në shtator të 2018, ku në mbledhjen e Këshillit Bashkiak Veliaj thoshte me krenari se ishte ai që i kishte kërkuar qeverisë inceneratorin , pasi ishte frymëzuar nga suksesi i inceneratorit të Elbasanit madje e ka kërkuar për të gjithë qarkun.

Alimehmeti tregon se Veliaj po ashtu kishte deklaruar se nuk do të kishte kosto shtesë për bashkinë e Tiranës dhe se angazhimi konkret i kostove do t’i paraqitet Këshillit Bashkiak sapo të jetë gati.

Pas kësaj ai e ka ftuar Veliaj që së bashku me këshilltarët të shkojnë të shohin qoftë inceneratorin inekzistent të Tiranës dhe atë që nuk funksionon në Elbasan.

“Dy ditë më parë, Erion Veliaj deklaroi në një emision se nuk ishte ai që kishte kërkuar ndërtimin e inceneratorit të Tiranë, por se bashkia Tiranë ishte vetëm një kliente e qeverisë. Le ta dëgjojmë se çfarë thotë zoti Veliaj i vitit 2023.

Tani, le të dëgjojmë se si e përgënjeshtron veten Veliaj, pikërisht gjatë mbledhjes së Këshillit Bashkiak të muajit shtator 2017.

Pra në mbledhjen e Këshillit Bashkiak në shtator të 2017 Veliaj e thotë me krenari se është Ai që i ka kërkuar qeverisë inceneratorin e Tiranës, frymëzuar nga suksesi i inceneratorit të Elbasanit, madje e ka kërkuar për të gjithë Qarkun.

Po kështu, vetë Veliaj thotë se nuk do të ketë kosto shtesë për bashkinë e Tiranës, se ai tashmë ka shprehur angazhimin për bashkinë e Tiranës, dhe se angazhimi konkret i kostove do t’i paraqitet Këshillit Bashkiak sapo të jetë gati.

Tani le ta vendosë vetë Veliaj se cilit Erion duhet tí besojmë, atij të 2017 apo 2023?

Për këtë dhe për kërkesat me shkrim që i kemi pëtcjellë, të cilave z.Veliaj refuzon t’u përgjigjet që nga shtatori, e ftojmë të na përgjigjet në mbledhjen e datës 21, të thirrur me urgjencë nga 22 këshilltarët bashkiakë për inceneratorin e Tiranës.

E sigurojmë gjithashtu zotin Veliaj, se grupi ynë i këshilltarëve është i gatshëm që të shkojmë bashkë me të, për të parë qoftë inceneratorin jashtë funksioni të Elbasanit, qoftë atë inekzistent të Tiranës. Le ta zgjedhë Erion Veliaj nëse këto vizita do t’i bëjmë përpara apo pas mbledhjes së posaçme të Këshillit Bashkiak që do të zhvillohet të enjten, më 21 dhjetor, në orën 4”, tha Alimehmeti./ CNA

 

 





Lajmet e fundit nga