web counter
LEXO PA REKLAMA!

SHKARKO APP

App Store
Google Play

Vrasja në burgun e Peqinit/ Sokol Mjacaj tregon motivin e ngjarjes

16 Dhjetor 2023, 10:44, Aktualitet CNA
Vrasja në burgun e Peqinit/ Sokol Mjacaj tregon motivin e ngjarjes
Viktima dhe autori i ngjarjes

Sokol Mjacaj ka dhënë dëshminë e tij për vrasjen në burgun e sigurisë së Peqinit.

Ai ka thënë në dëshminë e tij se Arben Lleshin e ka vrarë sepse kishte një konflikt me të pasi nuk e pranoi në sektor.

Ka dyshime se ai ka pasur dhe bashkëpunëtore, dhe se arma me të cilën kreu ngjarjen e rëndë nuk ishte futur me dron. Madje thuhet se ai mund të jetë paguar me një shumë të caktuar për të kryer vrasjen.

Mjacaj ka deklaruar se armën e kishte siguruar më shumë se një muaj e gjysmë më parë.

Në polici lidhur me ngjarjen janë shoqëruar 18 punonjës civil dhe të burgut.

Si ndodhi ngjarja? 

I burgosuri Sokol Mjacaj, kishte dalë në ajrosje. Pasi ka qenë i pajisur me armë, mendohet se ai ka thirrur 3 herë Arben Lleshin dhe shokun e tij të qelisë Indrit Shaqjan dhe ka qëlluar me armë drejt tyre nga dritarja.

Si pasojë, humbi jetën Lleshi dhe mori plumba në këmbë Indrit Shaqja. Pas kësaj, Mjacaj u izolua dhe kërcënoi se do të vriste njerëz nëse nuk garantohej jeta e tij.

Drejtuesit e policisë, të burgjeve dhe kryeprokurori i Elbasanit kanë negociuar me autorin. Ky i fundit ka hedhur armën dhe është vetëdorëzuar. /CNA

 





Lajmet e fundit nga