web counter
LEXO PA REKLAMA!

SHKARKO APP

App Store
Google Play

E fundit!

x

FOTO- Dy zyrtarët përgjegjës për inceneratorët, në krah të Veliajt

15 Dhjetor 2023, 16:39, Aktualitet CNA
FOTO- Dy zyrtarët përgjegjës për inceneratorët, në
Erion Veliaj

Dita-ditës po dalin emra të tjerë të implikuar në aferën e shekullit, në skemën më të madhe të vjedhjes, atë të inceneratorëve.

Një nga emrat që u arrestua për inceneratorin e Tiranës ishte drejtori i Përgjitshëm i Punëve Publike në Bashkinë e Tiranës, Taulant Tusha.

Ky i fundit së bashku me Henrik Hysenbegasin, i cili është emëruar nga ministrja Belinda Balluku si kreu i NJZP-së, janë dy njerëz, dy drejtorë shumë të afërt me Veliajn.

Kjo tregohet përmes kësaj fotoje.

FOTO- Dy zyrtarët përgjegjës për inceneratorët, në

Si Taulant Tusha dhe Henrik Hysenbegasi janë dy personat që duket se janë njerëz të afërt të kryebashkiakut Erion Veliaj.

Bashkë me kryebashkiakun Veliaj ata kanë bërë një udhëtim drejt Emirateve të Bashkuara Arabe, në vitin 2018.

Gjatë atij takimi është diskutuar për financimin e një sërë projektesh të rëndësishme për kryeqytetin dhe thithjen e investitorëve të huaj në Tiranë.

Henrik Hysenbegasi është denoncuar sot se është emëruar në krye të NJZP-së, por ka refuzuar të raportojë për inceneratorin.

FOTO- Dy zyrtarët përgjegjës për inceneratorët, në

Ky denoncim u bë ditën e sotme nga opozita, ku ish-kryeministri Sali Berisha tha se, që nga dita e emërimit të Henrik Hysenbegasit, asnjë punonjës i bashkisë, asnjë drejtor i Erion Veliajt nuk është paraqitur në njësinë e monitorimit të projektit për të raportuar apo për të marrë pjesë në mbledhje.

Sipas Berishës, arsyeja kryesore e mosraportimit kanë qenë për shkak të vjedhjes së të ardhurave që mblidheshin nga taksat e qytetarëve të Tiranës.

PD denoncoi se drejtorët nuk pranuan të paraqiteshin, ndërkohë që i detyronin bizneset t’i depozitonin dherat në landfill kundrejt tarifave skandaloze.

“Erion Veliaj, i cili kërkon tani të strehohet te kryehajduti i aferës së inceneratorëve, ka përgjegjësi të plotë penale sepse ai ka firmosur kontratën dhe aneksin e saj, në të cilën siç e dini, Bashkia e Tiranës merr të gjitha përgjegjësitë. Edhe asistencë teknike, edhe shpronësimet dhe të tjera me radhë.

Ndërkohë, siç denoncuam një ditë më parë, i ka dhënë kompanisë 600 mijë metra katrorë pa asnjë proces shpronësimi. I ka nxjerrë nga xhepi dhe ia ka dhënë kompanisë.

Belinda Balluku ka emëruar me një shkresë të veçantë, dy vite më parë, drejtuesin e njësisë së monitorimit të punimeve dhe funksionimit të sipërmarrjes së Sharrës.

Që nga dita e emërimit nga zonja Balluku të zotërisë Henrik Hysenbegasi, asnjë punonjës i bashkisë, asnjë drejtor i Erion Veliajt nuk është paraqitur në njësinë e monitorimit të projektit.

Pra, ka sabotuar me ndërgjegje të plotë, me vetëdije të plotë, observimin, detyrimin që kishte, për të monitoruar projektin.

Dhe sabotimi ka vetëm një shkak: vjedhjen e të ardhurave që mblidheshin nga taksat e qytetarëve të Tiranës dhe po kaq të dherave që detyronin bizneset t’i depozitonin kundrejt tarifave skandaloze.

Erion Veliaj sabotoi monitorimin e zbatimit të projektit sepse projekti duhet të ishte vetëm në letër dhe paratë e financuara nga taksapaguesit e Tiranës dhe bizneset, t’i ndante me Edi Ramën dhe hajdutë të tjerë.

Pra, amnistimi që grupi i strukturuar kriminal i SKAP-it, i bëri Erion Veliajt, është një vepër po aq kriminale sa vetë vjedhja e shekullit.

A mundet pra, të arrestohen dy inxhinierë për fajin e vetëm se kanë bërë një propozim, që ua ka sugjeruar vetë Erion Veliaj, por ndërkohë kanë pasur guximin dhe kurajën që në komision të deklarojnë se Bashkia e Tiranës nuk e përballon dot me të ardhura këtë vepër.

Kurse Erion Veliaj shkon dhe jep garanci me shkrim, duke falsifikuar mbledhjen e Këshillit Bashkiak, i cili me ligj është organi i vetëm që ka të drejtë të përcaktojë buxhete dhe përdorimin e tij”, është shprehur Berisha./ CNA





Lajmet e fundit nga