web counter
LEXO PA REKLAMA!

SHKARKO APP

App Store
Google Play

Ish-prefekti i Kukësit paraqitet sërish në SPAK

15 Dhjetor 2023, 12:18, Aktualitet CNA

Ish-prefekti i Kukësit paraqitet sërish në SPAK

Ish-prefekti i Kukësit, Granit Gjana, është paraqitur sërish ditën e sotme në Prokurorinë e Posaçme. 

Gjana është nën hetim për abuzim me tenderin për karburantin. Për këtë ai u thirr në SPAK më 7 dhjetor, ku GJKKO la në fuqi masën e pezullimit nga detyra.

Ky i fundit, në një fjalë për mediat pas seancës, tha se ka dhënë dorëheqjen nga posti në mënyrë që të përballet me drejtësinë si qytetar i lirë.

“Kam dhënë dorëheqjen si prefekt për t’u përballur me drejtësinë si qytetar i lirë. Do të ndjek rrugën ligjore”, u shpreh Gjana.

Sipas SPAK-ut, Granit Gjana gjatë kohës që ka qenë zëvendëskryetar i Bashkisë së Kukësit, ka penguar një kompani që të merrte pjesë në 2 tenderë për “blerje karburanti” në vlerën 21 milionë lekë.

Shkeljet, sipas Prokurorisë së Posaçme, janë bërë në vitin 2023, gjatë kohës që Granit Gjana si zëvendëskryetar, ka qenë titullar i Autoritetit Kontraktor të Bashkisë së Kukësit për këta tenderë.

Kujtojmë se ai doli në video-skandalin me tenderin e qenve të Safet Gjicit, ish-kryetarit të Bashkisë së Kukësit.

Në videon e publikuar më 16 qershor, Safet Gjici, së bashku me shtetasen Alma K., kryenin akt seksual në zyrën e kryetarit të Bashkisë së Kukësit.

Më pas, Gjici bisedonte me Alma K. për tenderin e qenve të rrugës dhe udhëzonte zv.kryetarin Granit Gjana të ndiqte hapat ligjorë për projektin.

Alma K. shkonte në zyrën e Gjanës dhe merrte udhëzimet për dokumentet që duheshin, dorëzonte letrat dhe në fund largohej nga ndërtesa e Bashkisë së Kukësit me konfirmimin se do të merrte tenderin.

Për këtë skandal, Granit Gjana ka dhënë dëshmi edhe në SPAK./CNA

 

 





Lajmet e fundit nga