web counter
LEXO PA REKLAMA!

SHKARKO APP

Dje u pezullua nga detyra/ Granit Gjana shkon në SPAK

7 Dhjetor 2023, 08:44, Aktualitet CNA

Dje u pezullua nga detyra/ Granit Gjana shkon në SPAK

Ish-prefekti i Kukësit, Granit Gjana, është paraqitur mëngjesin e kësaj të enjteje në SPAK.

Gjana është nën hetim për abuzim me tenderin për karburantin.

Ai u pezullua dje nga posti si prefekt i Kukësit, pasi SPAK e akuzon për veprën penale "Shkelja e barazisë së pjesëmarrësve në tenderë apo ankande publike”, kur ka mbajtur postin si zv.kryetari i Bashkisë Kukës.

Ish-zëvendësi i Safet Gjicit u emërua në këtë post më 13 shtator dhe e mbajti për më pak se dy muaj.

Kujtojmë se ai doli në video-skandalin me tenderin e qenve të Safet Gjicit, ish-kryetarit të Bashkisë së Kukësit.

Në videon e publikuar më 16 qershor, Safet Gjici, së bashku me shtetasen Alma K., kryenin akt seksual në zyrën e kryetarit të Bashkisë së Kukësit.

Më pas, Gjici bisedonte me Alma K. për tenderin e qenve të rrugës dhe udhëzonte zv.kryetarin Granit Gjana të ndiqte hapat ligjorë për projektin.

Alma K. shkonte në zyrën e Gjanës dhe merrte udhëzimet për dokumentet që duheshin, dorëzonte letrat dhe në fund largohej nga ndërtesa e Bashkisë së Kukësit me konfirmimin se do të merrte tenderin.

Për këtë skandal, Granit Gjana ka dhënë dëshmi edhe në SPAK./ CNA





Lajmet e fundit nga