E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Rezultatet e “PISA” dhe rritja e numrit të nxënësve të dobët/ Alimehmeti: Ka një agjendë!

6 Dhjetor 2023, 18:45, Aktualitet CNA

Rezultatet e “PISA” dhe rritja e numrit të nxënësve

Mjeku Ilir Alihmehmeti

Mjeku Ilir Alihmehmeti ka folur për rezultatet e “PISA 2022” nga OECD që tregon në përgjithësi një rënie të paprecedentë të performancës së nxënies në të gjithë vendet e OECD, krahasuar me vitin 2018.

Ai tha se ka një agjendë këtu dhe mbajtja e një populli injorant është pjesë e mbajtjes në kontroll të atij populli.

“Ky rezultat absolutisht i pritshëm, nuk mund të diskutohet dot ndryshe. Ka një agjendë këtu dhe pjesa e të mbajtur të varfër një popull dhe injorant një popull është pjesë e mbajtjes në kontroll të atij populli dhe kjo është pjesë e kësaj agjende. Të mbash në kontroll një popull është ti japësh një minimum arsimimi sa të dijë disa veprime matematikore bazë që duhen për punë të rëndomta se i duhen shtetit të dish pesë gjëra por jo më shumë se aq sepse kur ti kapërcen një farë niveli fillon dhe mendon ti, fillon dhe krijon diskutime me të tjerët, pretendon se kupton dhe shoqërinë, do të ndikosh dhe te shoqëria, do të çosh para familjen tate e me radhë, këto nuk i duan këta. Këtu mbetet vetem te pjesa që tëdish, vetëm të mos jesh analfabet, pra pak mbi analfabetin dhe të punosh në pozicione pune shumë të thjeshta shumë të rëndomta.”, tha mjeku Alimehmeti.

Sipas tij mjafton të shikohet se çfarë ka qënë vizioni i qeverisë të bësh inventarin arsimor të personave që kanë qeverisur këto 10 vite dhe arrihen të kuptohen rezultatet e nxënësve.

“Po ta shikosh se çfarë ka qënë vizioni i tyre, mjafton të bësh inventarin arsimor të personave që kanë qeverisur këto 10 vite, çfarë kanë studiuar, me çfarë rezultatesh, ku kanë qënë, si kanë qënë, merrni me radhë ministrat e Arsimit, ku kanë qënë, e para zonja Nikolla, me të dytën tha që nuk ka asnjë burrë asnjë grua nga këtu dhe do ta marrim nga jashtë që ta bëjmë ministër Arsimi, sepse nuk ka asnjë këtu. Po ti shihni këto, thonë se nuk ka një prioritet për arsimin. Po të shikoni 2.14% është buxheti i arsimit për 2024. Është premtuar 5% mbas protestës së studentëve.”, tha Alimehmeti.

Performanca mesatare ra me dhjetë pikë në lexim dhe me pothuajse 15 pikë në matematikë, e cila është e barabartë me tre të katërtat e të mësuarit në një vit. Rënia në matematikë është tre herë më e madhe se çdo test i mëparshëm./ CNA