web counter
LEXO PA REKLAMA!

SHKARKO APP

App Store
Google Play

“Rama nuk largohet me votë”/ Berisha zbulon planin

4 Dhjetor 2023, 20:41, Politikë CNA
“Rama nuk largohet me votë”/ Berisha zbulon planin
Ish-kryeministri Sali Berisha

Ish-kryeministri Sali Berisha ka deklaruar pasditen e sotme se kryeministri Edi Rama ka kapur çdo pushtet dhe se për herë të parë në 32 vite kemi një qeveri moniste të një partie të vetme.

Berish ka theksuar se sot jemi në diktaturë dhe e vemtja rrugëzgjidhje për të dalë nga ajo është mosbindja civile.

Sipas liderit të demokratëve Rama nuk largohet me votë por me mosbindje civile dhe se të gjithë duhet të nxisim revoltën.

“Sot kemi për herë të parë në 32 vite një qeveri moniste të një partie të vetme.

Pastaj kemi një drejtësi të vendosur e tëra në kontrollin e Edi Ramës.

Dhe tani, ajo që kishte mbetur, kishte mbetur një grup parlamentar me kompetenca kushtetuese, por të rëndësishme. E drejta kushtetuese e deputetëve për të krijuar komisione parlamentare, në kushtet e sotme, është rruga e vetme për qytetarët për të ushtruar sovranitetin e tyre.

Sovraniteti i brendshëm i një vendi është fuqia e një populli për të kontrolluar pushtetin e qeverisë. Ky nuk ushtrohet sot në asnjë lloj forme.

Përpiquni ju, merrni 200 mijë firma për referendum. Nuk bëhet dot asnjë referendum sepse ka kontroll të plotë mbi Gjykatën Kushtetuese.

Parlamentarëve u jep Kushtetuta të drejtën e vetos. Kur bëhen një e katërta, ata mund të kontrollojnë qeverinë. Dhe këtë ai e bllokon.

Nuk ka asgjë më të rëndësishme se aty ku lind padrejtësia, të protestohet.

Sot jemi në diktaturë. Diktatura nuk është gjë tjetër veçse përqendrim i të gjitha pushteteve në një dorë. Kurrë ndonjëherë nuk ka pasur një përqendrim kaq ekstrem në një dorë të pushteteve.

Ndaj dhe e thotë Heminguej diku, detyra e shkrimtarit është të luftojë me penë dhe pushkë. Unë nuk them të luftojmë me pushkë. Por luftohet me mosbindje civile, kjo është rruga e vetme.

Mosbindja civile është faktuar si rruga më e suksesshme për përmbysjen e diktaturave.

Edi Rama nuk largohet me votë, Edi Rama largohet vetëm me mosbindje civile.

Ndaj është në detyrimin tonë më madhor si intelektualë, që në natyrën tonë duhet të jemi avoketër të pamposhtur të interesit publik, duhet të bëjmë gjithçka të ngrihemi kundër këtij regjimi, të nxisim kudo revoltën, të nxisim kudo mosbindjen civile.

Sepse do mblidhemi prapë për buxhetin e vitit 2025. Është lule ky se si do jetë ai mbrapa.

Ndaj ju falënderoj shumë për ndërhyrjet tuaja shumë të dobishme dhe ju garantoj se do jenë elementë thelbësorë të programit që ju do hartoni dhe janë përgjigjia më e mirë për problemet me të cilat përballet çdo sektor.

Ndaj ju ftoj që të bëjmë gjithçka aty ku jemi, të nxisim revoltën, të nxisim mosbindjen civile.

Vetëm revolta dhe mosbindja civile janë kushti i të gjitha kushteve për të adresuar problemet jashtëzakonisht të rëndësishme që shtruat në këtë takim”, tha Berisha./ CNA

 





Lajmet e fundit nga