LEXO PA REKLAMA!

SHKARKO APP

Kaosi në Kuvend/ Ministri Balla paralajmëron burg për deputetët e opozitës

4 Dhjetor 2023, 13:25, Politikë CNA
Kaosi në Kuvend/ Ministri Balla paralajmëron burg për
Taulant Balla

Ministri i Brendshëm, Taulant Balla, në një postim në rrjetet sociale ka publikuar një video të kaosit të krijuar në parlament ditën e sotme. 

Balla ka theksuar se aktet e rënda të kryera nga deputetët e opozitës janë referuar në Prokurori dhe se asnjë deputet nuk mund t'i shmanget ligjit. Ministri nënvizon se deputetët e opozitës rrezikojnë të dënohen deri në 5 vite burg. 

"Kodi Penal përcakton qartësisht në nenet 151 dhe 154 veprat penale të shkatërrimit/dëmtimit me dashje të pronës me zjarr dhe me mjete të tjera, të cilat dënohen deri në pesë vite burg. Ndërsa këto akte të rënda janë referuar në mënyrë të përsëritur në Prokurori, institucioni i akuzës duhet të garantojë se ligji zbatohet njëlloj për të gjithë dhe deputeti nuk mund t’i shmanget ligjit kurrsesi, duke përfitur apo duke u fshehur pas imunitetit", u shpreh Balla. 

Vetëm 16 minuta ka zgjatur seanca plenare e kësaj të hëne në Kuvend.

Mes rrëmujës, tensionit e sherrit me opozitën, kryeparlamentarja mbylli seancën plenare. Ashtu si në seancat e tjera, pati tensione të shkaktuara nga opozita.

Deputeti Flamur Noka ndezi flakadanë në Kuvend si dhe letra, duke bërë kështu që salla të pushtohet nga tymi dhe flakët.

Kryeparlamentarja Lindita Nikolla e përjashtoi nga seanca para se ta mbyllte këtë të fundit. Në Kuvend nuk ishte prezent kryeministri Edi Rama./CNA

 

Lajmet e fundit nga