web counter
LEXO PA REKLAMA!

SHKARKO APP

App Store
Google Play

Kadilli: Pjesëmarrja e Argita Malltezit në Kuvend, provë se projekti i Berishës është familjar

3 Dhjetor 2023, 14:23, Politikë CNA
Kadilli: Pjesëmarrja e Argita Malltezit në Kuvend, provë se
Ish-kandidati për kryetar të Partisë Demokratike, Fatbardh Kadilli

Ish-kandidati për kryetar të Partisë Demokratike, Fatbardh Kadilli, ka komentuar këtë të diel pjesëmarrjen e Argita Berisha Malltezit në Kuvendin Kombëtar të PD-së që u mbajt ditën e djeshme.

Kadilli tha në "Euronews Albania" se pjesëmarrja e Argitës në Kuvend është provë se projekti i kryedemokratit Sali Berisha është politik familjar.

Sipas tij, Berisha ka krijuar një grupim me njerëz që nuk prodhojnë politikë, por që janë vendosur vetëm në mbrojtje të interesave politike të familjes së ish-kryeministrit.

''Kuvendi i djeshëm i Rithemelimit, provoi dhe bëri të dukshëm për këdo faktin që ai që u nis si projekt politik i emërtuar si Rithemelim, përfundoi në një gërmadhë politike. Si sjellja e Berishës dhe si hapësira dhe promovimi i vajzës së tij, provojnë katërcipërisht që kemi të bëjmë me projekt familjar.

Kemi të bëjmë me një grupim me njerëz që merren me politikë, por nuk prodhojnë politikë, vetëm mbrojtje të interesave politike të Berishës dhe familjarëve të tij.

Ka qenë e qartë për këdo që ka ndjekur politikën, që në 3 dekada Berisha e ka përdorur PD për interesat e tij dhe të familjes, interesa përmes të cilave ka siguruar pushtet dhe pasuri.

As Enver Hoxha që edhe ai i kishte fëmijët anëtarë të Partisë së Punës nuk guxoi ta bënte këtë, që t'i vinte në krye fëmijët e tij, pra kemi të bëjmë qartazi me një projekt politik.

Formalizmi është apo s’është antare e PD zonja Malltezi është një formalitet që nuk i hyn në punë askujt. Ajo që sot shqiptarët kanë provë është projekt politik familjar, interesa familjare që mbrohen nëpërmjet instrumenteve dhe institucioneve politike’’, theksoi ai./ CNA 





Lajmet e fundit nga