web counter
LEXO PA REKLAMA!

SHKARKO APP

App Store
Google Play

PS kërkon ndryshimin e ligjit për Komisionet Hetimore/ Berisha: Qesharak

1 Dhjetor 2023, 12:14, Politikë CNA
PS kërkon ndryshimin e ligjit për Komisionet Hetimore/ Berisha:
Sali Berisha

Ish-kryeministri Sali Berisha ka komentuar propozimin e PS-së për ndryshimin e ligjit për Komisionet Hetimore.

Sipas Berishë ky është një ligj qesharak, nga i cili kryeministri Edi Rama po kërkon të ruajë privatësin e tij dhe të familjes për abuzimet që kanë bërë.

Me këtë ligj, nënvizon Berisha, Rama po i përjashton mundësinë opozitës që të hetojë për 140 udhëtimet e tij me charter që kapin vlerën e 22 milionë eurove.

"Pasi bllokoi 8 herë me radhë ka dërguar ligjin qesharak që kërkon të ruajë privatësinë e tij dhe familjes për gjitha abuzimet që kanë bërë, kërkon të japë mundësi bllokimi çdo hetimi parlamentar duke bllokuar zgjedhjen e ekspertit, nuk beson në ekspertët e caktuar nga gjykata, por vetëm ata që zgjedh vetë.

Ju e keni vënë re që eksperti thotë zgjidhet me 2/3. Ata merren nga lista e ekspertëve që ka gjykata, por Rama kur vjen puna për hetimet e krimeve të tij të tmerrshme ai do ekspertët që i cakton Fatmir Xhafaj, i cili është aktivizuar kohët e fundit, por përsëri mbetet ai që ka qenë.

Pas betejave të pandërprera të opozitës për të ushtruar të drejtat kushtetuese të popullit opozitar, Rama dërgon në parlament ligjin kur de fakto i përjashton mundësinë opozitën të hetojë 140 udhëtimet e tij me charter në dy vite me shpenzim 22 milionë euro. Këto udhëtimet përbëjnë një nga abuzimet më të mëdha e më kriminale të një sundimtari", tha Berisha./ CNA





Lajmet e fundit nga