web counter
LEXO PA REKLAMA!

SHKARKO APP

App Store
Google Play

E fundit!

x

“Mblidhemi si forca kryesore politike e opozitës”/ Berisha në Kamëz: Të gjithë e shohim çfarë po ndodh sot

30 Nëntor 2023, 18:19, Politikë CNA
“Mblidhemi si forca kryesore politike e opozitës”/ Berisha
Ish-kryeministri Sali Berisha

Ish-kryeministri Sali Berisha në takim me anëtarë e simpatizantë në Kamëz tha se sot gjenden si forca kryesore e të drejtave kushtetuese të mohuara.

Sipas tij është një nga momentet më kritike për PD-në, opozitën, demokracinë e pluralizmin.

“Të dashur demokrate dhe demokratë, qytetare dhe qytetarë të Kamzës, Paskuqanit, përshëndetjet më të përzemërta dhe falënderimin tim për praninë tuaj sot në këtë takim. Ne takohemi së bashku me ju në një moment kritik jo vetëm për PD-në dhe opozitën shqiptare, por në momentin më kritik në 32 vitete fundit për demokracinë, pluralizmin, Shqipërinë. Sot ne mblidhmi së bashku si forca kryesore politike e opozitës, por jemi sot këtu si forca kryesore e të drejtave kushtetuese të mohuara.”, tha Berisha.

Ai tha se Edi Rama pas dhunimit masiv të zgjedhjeve dhe votës së lirë, kaloi në fazën e fundit të mohimit të të drejtave kushtetuese në parlament të deputetëve.

“Jemi sot këtu si një forcë politike të cilës, Edi Rama në aktin më armiqësor në 32 vite ndaj saj dhe opozitës, pas përpjekjeve për shkatërrimin e saj, për emërimin, kontrollin e saj dhe të kryetarit të saj. Pas dhunimit masiv të zgjedhjeve dhe votës së lirë, kaloi në fazën e fundit të mohimit të të drejtave kushtetuese në parlament të deputetëve, përfaqësues tuaj. Defakto asgjësimin e pluralizmit politik parlamentar në Shqipëri. Shndërrimin e përfaqësuesve tuaj në parlament, në një fasadë e cila qëndron aty, apo të cilët qëndrojnë aty thjeshtë sa për të thënë se parlamenti ka një opozitë.”, u shpreh ish-kryeministri Berisha.

“Por në Shqipëri qeveria nuk ka legjitimit, në Shqipëri  qeveria krijoi industrinë e krimit të blerjes së votës. Makinerinë gjigante të frikësimit të qytetarëve, të kontrollit të plotë të vullnetit të tyre.  Çfarë ndodh sot? Të gjithë e shohim se ai vjedh zgjedhjet. Ju e patë vetë se çfarë bëri me makinerinë elektronike këtu në Kamzë. E patë se çfarë bëri me autokolonën e ‘Benzave’ të blinduar me Bajrat në Shkodër.”, tha më tej ai.





Lajmet e fundit nga