web counter
LEXO PA REKLAMA!

SHKARKO APP

App Store
Google Play

E fundit!

x

Kurti lë mënjanë mëritë me Ramën, mesazhi nga Vlora në Ditën e Pavarësisë

28 Nëntor 2023, 12:03, Politikë CNA
Kurti lë mënjanë mëritë me Ramën, mesazhi nga
Albin Kurti

Kryeministri i Kosovës, Albin Kurti, mori pjesë sot në ceremoninë e ngritjes së flamurit në Vlorë, në ditën e 111-vjetorit të Pavarësisë. 

Gjatë ceremonisë ai u shfaq në krah të kryeministrit shqiptar Edi Rama, ku nuk mungoi edhe një shtrëngim duarsh mes tyre. Gjatë fjalës së tij, Kurti uroi shqiptarët për këtë ditë të veçantë dhe tha se nuk është dita që të flasim për dallime politike apo për polemika, pasi është dita që të jemi bashkë. 

"Ishte kënaqësi që të ndjekim ekspozitën e kuruar me shumë kujdes dhe pasion nga Evi Pojani me piktorë vlonjatë pastaj të shohim edhe përmbledhjen filatelike, ndërsa në hyrje janë edhe dokumente historike të komunitetit Mbrojtja Kombëtare e Kosovës. Gëzuar gjithë shqiptarëve 28 Nëntorin, këtë festë të madhe të flamurit. Për të gjithë shqiptarët kudo që janë në Ballkan. Lavdi Dëshmorëve të Kombit! Nuk është sot dita që të flasim për dallimet politike, për polemikat aktuale sot jemi bashkë, shqiptarët e kanë të përbashkët historinë dhe ardhmërinë. Kemi shumë ditë të tjera gjatë vitit për këto tema", - tha Kurti.

Të pranishëm në ceremoninë e ngritjes së flamurit në Vlorë, ishin kryeministri Edi Rama, kryetarja e Kuvendit, Lindita Nikolla dhe presidenti Bajram Begaj. 

Ndërkohë, ditën e sotme, për herë të parë në vendin tonë, po zhvillohet në Tiranë, Parada e shqiptarëve. Me pjesëmarrjen e mijëra shqiptarëve nga të gjitha trojet, paradaj ka mbledhur mbi 150 Ansamble Popullore./CNA

 





Lajmet e fundit nga