web counter
LEXO PA REKLAMA!

SHKARKO APP

App Store
Google Play

E fundit!

x

“Gëzuar Shqipëri”, ambasada amerikane dhe ajo gjermane urojnë shqiptarët

28 Nëntor 2023, 11:35, Aktualitet CNA
“Gëzuar Shqipëri”, ambasada amerikane dhe ajo gjermane
Foto nga urimi i ambasadës amerikane

Ambasada amerikane në Tiranë ka zgjedhur të urojë Festën e Flamurit, përmes një videoje me mesazhe nga oficerët amerikanë.

“Urime popullit shqiptar në 111-vjetorin e Pavarësisë nga Ambasada e SHBA! Për të shënuar këtë ditë të veçantë, oficerët tanë amerikanë dhe stafi ynë kanë udhëtuar në të gjithë Shqipërinë, jo vetëm për të ndarë këtë mesazh, por edhe për të përjetuar kulturën dhe historinë e larmishme, për të cilat aq shumë shqiptarë luftuan përgjatë historisë suaj të pasur. Gëzuar Ditën e Pavarësisë! Gëzuar Shqipëri!” shkruan ambasada e SHBA-së.

Edhe Ambasada gjermane në Tiranë ka uruar shqipëtarët për festën e flamurit, ndërsa ka shprehur përkrahjen për anëtarësimin e Shqipërisë në BE.

"Ambasada Gjermane i uron të gjithë shqiptarët me rastin e Festës së Pavarësisë! Ne qëndrojmë krah për krah me partnerët/et tanë në Shqipëri në rrugën drejt anëtarësimit në BE" - shkruhet në postimin e ambasadës gjermane.

“Gëzuar Shqipëri”, ambasada amerikane dhe ajo gjermane
Postimi i ambasadës Gjermane

Sot Shqipëria feston 111-vjetorin e festës së flamurit dhe në vend po mbahen një serë aktivitetesh. 

Në ceremoninë zyrtare të së martës në Vlorë morën pjesë Presidenti i vendit Bajram Begaj, kryeministrat Edi Rama e Albin Kurti, kryeparlamentarja Lindita Nikolla dhe një serë zyrtarësh të tjerë.

Pjesë e ceremonisë pak minuta më vonë u bë edhe kryeministri Sali Berisha i cili tha se nuk kishte një ftesë për t’iu bashkuar ceremonisë zyrtare me Ramën e Kurtin

Po ashtu po zhvillohet edhe një paradë në bulevardin "Dëshmorët e Kombit" ku janë mbledhur shqiptarët anekënd botës./CNA

 





Lajmet e fundit nga