web counter
LEXO PA REKLAMA!

SHKARKO APP

App Store
Google Play

111-vjetori i Pavarësisë/ Berisha: U betova para varrit të Ismail Bej Vlorës se pashiqin do ta paketojmë për në Beograd

28 Nëntor 2023, 10:47, Aktualitet CNA

111-vjetori i Pavarësisë/ Berisha: U betova para varrit të Ismail

Ish-kryeministri Sali Berisha ndodhet mëngjesin e sotëm në Vlorë, ku ka zhvilluar homazhe para varrit të Ismail Qemalit, njeriut që ngriti flamurin në Vlorë dhe shpalli Pavarësinë e Shqipërisë në 28 nëntor 1912.

Pas homazheve, në një prononcim për mediat, Berisha tha se u betua para varrit të Ismail Bej Vlorës se pashiqin shqiptar, duke iu referuar kryeministrit Edi Rama, do ta paketojnë në Beograd, atje ku ka vendin.

“Sot shqiptarët kudo që janë përulen me mirënjohje të pakufijshme para veprës së pavdekshme të Ismail Bej Vlorës.

Me aktin e tij dhe kurajën e jashtëzakonshme, Ismail Bej Vlora bëri të mundur ekzistencën e Shqipërisë dhe kombit shqiptar. Pa këtë akt Shqipërinë dhe shqiptarët i prisnin greminat. Sot ata janë anëtarë të NATO-s, Kosova është e pavarur.

Erdha për t’u betuar para varrit të Ismail Bej Vlorës, se pashiqi shqiptar që ka vendosur kurorën aty, e ka të fundit se shqiptarët do ta paketojnë atë në Beograd, aty ku e ka vendin. Tradhtar si ky, kombi nuk ka pasur. Ky është një zotim para babait të Pavarësisë se pashiqi nuk do të ketë vend në Tiranë, por te padroni i tij në Beograd.

Gëzuar këtë ditë të bekuar! Rroftë flamuri ynë!” - tha Berisha./ CNA





Lajmet e fundit nga