web counter
LEXO PA REKLAMA!

SHKARKO APP

App Store
Google Play

E fundit!

x

Përplasja Berisha-Hoxha/ Gazetari: S’jam anëtar bandash, ish-kryeministri po bën akte burracakërie

27 Nëntor 2023, 21:48, Aktualitet CNA
Përplasja Berisha-Hoxha/ Gazetari: S’jam anëtar bandash,
Artan Hoxha dhe Sali Berisha

Disa ditë më parë, gazetari Artan Hoxha hodhi akuza ndaj ish-kryeministrit Sali Berisha, teksa deklaroi se po qëndron i heshtur për arrestimin e ish-zv.drejtorit të Policisë, Erzen Breçani dhe shpalljen në kërkim të Ervin Matës.

Berisha iu kundërpërgjigj ashpër, duke e akuzuar se është anëtar i bandës Bajri në Shkodër që trillon në media.

Por mbrëmjen e sotme për akuzat e ish-kryeministrit ka folur vetë gazetari investigativ.

Hoxha tha në emisionin e Ylli Rakipit se deklarata e Berishës është një mesazh i koduar dhe një akt burracakërie.

“Më bëhet qejfi që ka reguar, do të thotë që nuk flasim kot. Jo vetëm na paska ndjekur, por i paska djegur. Reagimi i Berishës ndaj meje, sepse ai përmendi edhe persona të tjerë. Një botues tjetër e mbrojti kryeministri. Nuk di ndonjë shoqatë gazetarësh, mua nuk më ka mbrojtur njeri. Unë jam i ri mund ta mbaj burgun, ai se mban dot. Ai ka vajtur si Pinoçeti, nuk të çon njeri në burg 80 vjeç, por i kanë marrë pasaportën. Ai solli mesazh të koduar, është akt burracakërie dhe nuk është hera e pare”, u shpreh ai.

Gazetari deklaroi se nuk ka qenë pjesëtar i asnjë bande, ndërsa ngriti pretendimet se Berisha po përdor gjuhën e bandës rivale të Bajrave.

“Berisha nuk ka as kurajon të të vrasë me ato grupet komando, por do të të vrasë me dorën e të tjerëve. Nuk është hera e parë që ma ka bërë. Akti më burracak është kjo, që do të të vrasë me duart e të tjerëve. Pse i dogji ajo që thashë unë? Ne e kemi patur Bardh Spahinë në studio dhe unë i kam thënë që bandat në Shkodër po ndikojnë. Dhe doli siç i thamë ne, që krimi i organizuar është i përfshirë dhe është me mazhorancën.

Në zgjedhjet e vitit 2021, Bajrët janë të filmuar dhe dokumentuar, mjetet e blinduara të Behar Bajrit, kanë qenë në fushatë me flamujt e Partisë Demokratike. Kjo nuk do të thotë që PD është anëtar i Bajrave. Pse e bën Berishë këtë? Denoncon vetëm njërën palë, jo tjetrën. Gjuha që përdor Berisha, është gjuha e bandës rivale të Bajrave.

Unë nuk kam qenë pjesëtar i ndonjë bande, por një gjë e kam arritur, faktin që për ish-kryeministrin dhe ish-Presidentin e vendit kam kërkuar të vihet në dispozicion të drejtësisë. Kam dhënë fakte boll, nuk po them 21 Janari dhe Gërdeci…. Ka vrarë njerëzit në Bulevard dhe ka mbrojtur edhe vrasësit.

Pse ai përdor këtë me Bajrët dhe rivalët e Bajrave? Kërkon, nëse nuk çon ujë në mullirin e Berishës, të heq qafe me duart e të tjerëve. Nëse ai del sot dhe thotë nuk e njoh Erzen Breçanin? Erzen Breçani ka rrezikuar jetën e vet dhe të familjes, për të mbrojtur Berishën.

Unë e njoh Breçanin, e kam mik dhe është në çështje gjyqësore që do ta vendosë drejtësia. Është oficer i RENEA që ka marrë pjesë në numrin më të madh të operacioneve me shkëmbim zjarri. Çfarë bën Berisha në këtë moment? Pse i dhëmbi pjesa e kullës? Kur nuk është i përfshirë, le ta lërë kullën. Një njeri që deri dje konsiderohej i paprekshëm, sot është në dispozicion të drejtësisë. Kur i shkon letra, fshihet ai”, theksoi Artan Hoxha./ CNA





Lajmet e fundit nga