web counter
LEXO PA REKLAMA!

SHKARKO APP

App Store
Google Play

"Marrëveshje e pistë"/ Gazeta austriake në alarm: Kushtetuesja duhet ta parandalojë këtë marrëzi

27 Nëntor 2023, 14:04, Aktualitet CNA
"Marrëveshje e pistë"/ Gazeta austriake në alarm:
Edi Rama dhe Meloni

Një marrëveshje e pistë. Kështu e cilëson gazeta austriake "Der Standard" marrëveshjen mes Italisë dhe Shqipërisë për emigrantët. 

Në shkrimin me autore Adelheid Wolfl, theksohet se protokolli Meloni-Rama është i paligjshëm dhe antikushtetues për shumë arsye, si për shembull sepse cenon sovranitetin e shtetit të Shqipërisë. 

Më tej në artikull nënvizohet se është e rëndësishme që shteti i së drejtës të mos cenohet më tej nga marrëveshjet e pista si ajo me Italinë.

“Tri javë më parë, Rama nënshkroi një protokoll me homologen e tij italiane Giorgia Meloni që do të sillte emigrantët nga Mesdheu në Shqipëri për t’u mbajtur më pas në 'paraburgim administrativ' në 'qendrat e përpunimit të emigracionit'. E ardhmja e tyre nuk është as e përcaktuar në marrëveshje. Sipas avokatëve, Protokolli Meloni-Rama është i paligjshëm dhe antikushtetues për shumë arsye, si për shembull sepse cenon sovranitetin e shtetit të Shqipërisë. Rama, i cili po sillet gjithnjë e më autoritar në Shqipëri, e paraqiti të gjithë këtë si një nder, sepse në vitin 1997 Italia pranoi shumë shqiptarë që po iknin nga dhuna dhe anarkia. Në Shqipëri në veçanti, megjithatë, është e rëndësishme që shteti i së drejtës të mos cenohet më tej nga marrëveshjet e pista si ajo me Italinë”, thuhet në artikull.

Sipas gazetës austriake“për BE-në, sundimi i ligjit në vendet kandidate duhet të jetë prioriteti kryesor.

"Ideja për të sqaruar statusin e emigrantëve në mënyrë ekstraterritoriale dështoi edhe në Gjykatën e Lartë në Britaninë e Madhe. Gjykata Kushtetuese e Tiranës duhet ta parandalojë tani këtë marrëzi”./CNA

 

 





Lajmet e fundit nga