web counter
LEXO PA REKLAMA!

SHKARKO APP

App Store
Google Play

Lidhjet e Bashës me rusin pranë Putinit/ Gazetari i “Mother Jones”: Maxim Trofimets nuk është fundi i zinxhirit

26 Nëntor 2023, 21:52, Aktualitet CNA
Lidhjet e Bashës me rusin pranë Putinit/ Gazetari i “Mother
Maxim Trofimets dhe Lulzim Basha

Në prag të zgjedhjeve të përgjithshme parlamentare të vitit 2017, Lulzim Basha lobimi me para të financuara nga kompani "offshore" ruse në SHBA për të siguruar një foto me presidentin Donald Trump dhe për të marrë mbështetje në Kongresin Amerikan.

Ky skandal është denoncuar prej vitesh, ndërsa sa më shumë kohë kalon, aq më tepër thellohet.

“BBC” nxori më 3 nëntor një artikull ku zbuloheshin të tjera fakte që tregonin se si kanë rrjedhur ngjarjet, nga pagesat e kryera për Nick Muzin, lobimin e këtij të fundit në SHBA për foton e Bashës me Donald Trump, si dhe për kompaninë guackë "Biniatta Trade", prapa së cilës qëndron një rus.

Bëhet fjalë për rusin e quajtur Maxim Trofimets, i cili kishte nënshkruar marrëveshje fshehurazi me "Alpha Consoulting", një fabrikë sekrete e financuar nga rrethi i ngushtë i Vladimir Putinit, për të ushtruar ndikim në fushatat zgjedhore të vendeve të ndryshme të botës, në favor të politikës së jashtme të Moskës.

Për skandalin me financimin rus të Bashës ka folur mbrëmjen e sotme gazetari i “Mother Jones”, Dan Friedman, i cili ka denoncuar më parë lobimin në SHBA.

Dan Friedman tha ekskluzivisht për emisionin “Fokus” të Robert Papës në CNA se Trofimets nuk është fundi i zinxhirit. Ai deklaroi se mbrapa tij mund të jetë qeveria ruse ose spiunazhi rus.

“Trofimets është një 40 vjeçar që jeton në Moskë. Dikush që merret me shitje helikopterësh. Nuk është ai, fundi i zinxhirit. Nuk dihet se kush është realisht pas tij, por ai duket se ka lidhje dhe ai jeton në Moskë. Ka ndikim se dikush me të cilin ai po punonte është mbrapa tij. Mund të jetë nga qeveria ruse, spiunazhi rus. Një pjesë e asaj që ne mund të spekulojmë është se Departmenti i Shtetit vjet nxori një raport të Inteligjencës, ku thuhej se një pjesë e parave për lobingun e PD-së ishin pjesë e përpjekjeve ndërkombëtare ruse për të promovuar parti dhe poltikanë që ishin miqësorë me agjendën ruse”, u shpreh ai.

Gazetari i “Mother Jones” nuk hodhi poshtë mundësinë se mund të nisin hetime të reja pas fakteve të fundit që kanë dalë në dritë për Bashën.

“Mendoj se mund të nisin, por s’besoj se do ndodhë. Sa i përket hetimit kriminal nuk mund ta bëjë vetëm Departamenti i Drejtësisë. Ata kanë hetime të kundër-zbulimit. Agjenci të tjera amerikane të intelegjencës që gjurmojnë paratë, e Kremlini përqark botës. Ndaj, vjet, pati atë raportim hetimesh. Dhe vjet konkluduan se kjo qe pjesë e operacinit rus. Nuk e di se a do ketë hetim kriminal nga Departamenti i Drejtësisë, por pjesë të tjera të qeverisë po i kushtojnë vëmendje kësaj”, theksoi ai./ CNA





Lajmet e fundit nga