web counter
LEXO PA REKLAMA!

SHKARKO APP

App Store
Google Play

Nga Nick Muzin te Prigozhin dhe njerëzit pranë Putinit/ Fijet që lidhin Bashën me rusët dhe pagesat e lobimit

3 Nëntor 2023, 13:52, Politikë CNA

Nga Nick Muzin te Prigozhin dhe njerëzit pranë Putinit/ Fijet që

Në prag të zgjedhjeve të përgjithshme parlamentare të vitit 2017, Lulzim Basha publikoi në rrjetet sociale një foto me ish-presidentin e SHBA-së, Donald Trump.

CNA ishte një nga mediat e para që denoncoi skandalin që fshihej pas kësaj fotoje dhe ishte pikërisht lobimi me para të financuara nga kompani "offshore" ruse.

CNA raportoi se si Basha pagoi një kompani lobimi në SHBA për të siguruar një foto me presidentin Donald Trump dhe mbështetjen në Kongresin Amerikan.

Këtë skandal e denoncoi edhe prestigjiozja amerikane “Mother Jones” në muajin mars të 2018-ës, e cila me një investigim të plotë tregoi financimin me 675 mijë dollarë nga PD-ja për kompaninë Muzin, me firmën dhe negocimin personal të Lulzim Bashës.

Basha kishte kontraktuar një lobist amerikan të quajtur Nick Muzin, i cili është edhe një ish-ndihmës i fushatës së Donald Trump-it.

Kontrata mes Muzin dhe Partisë Demokratike është firmosur nga Basha, për të lobuar për PD-në në muajt mars, prill dhe maj.

Investigimi u thellua edhe më tej dhe në mars të vitit 2019 u publikuan dokumente zyrtare të Departamentit të Drejtësisë në SHBA, ku sipas deklarimeve të bëra nga Kompania Lobiste Muzin Capitol LLC, regjistruar në 14.11.2017 rezulton se: Kompania ruse "Biniatta Trade LP" do t’i paguante STONINGTONE STRATEGIES sipas marrëveshjes 4 shuma.

Nga Nick Muzin te Prigozhin dhe njerëzit pranë Putinit/ Fijet që

Në dokumentin e mësipërm shkruhet "Fees and Expenses", pra tarifa dhe shpenzime: 150 mijë dollarë për çdo muaj për një periudhë tremujore, në 15 mars, 15 prill dhe 15 maj, në total shumën prej 450 mijë dollarësh.

Sipas të njëjtit dokument, "Biniata Trade LP" do të paguajë Stonington Strategjies shumën 500.000 usd si tarifë speciale deri në mbylljen e marrëveshjes më 23 mars 2017.

Në tre muaj Basha ka paguar 450 mijë dollarë dhe shumën 500 mijë dollarë e ka paguar si “special fee” nga kompania ruse "offshore". Në total, së bashku me 75 mijë dollarët e paguar nga PD-ja, janë plot 1.025.000 dollarë që Basha ka shpenzuar për lobim në SHBA.

Nga Nick Muzin te Prigozhin dhe njerëzit pranë Putinit/ Fijet që

Pavarësisht se të gjithë ishim para fakteve, Basha, demokratët, aleatët, së bashku me ish-kryeministrin Sali Berisha i mohonin financimet ruse dhe e mbronin publikisht Lulin.

Çështja e lobimit qëndroi në qetësi për disa kohë, për të trazuar sërish Shqipërinë në shtator të 2022-shit me disa artikuj të "BBC"-së, "AFP"-së dhe "Zërit të Amerikës", të cilat hidhnin sërish detaje mbi lidhjet e Bashës me rusët.

Sërish Basha mohoi të gjitha akuzat që rëndonin mbi të duke dalë me disa versione të ndryshme.

Në fakt, dje ishte “BBC” që hodhi sërish dritë mbi këtë skandal dhe zbuloi njeriun që qëndroi pas "Biniatta Trade LP", kompanisë që përdori Basha për lobim.

“BBC” raportoi se shtetasi rus i quajtur Maxim Trofimets, kishte pronësinë e "Biniatta Trade LP", dhe kishte nënshkruar marrëveshje fshehurazi me "Alpha Consoulting", një kompani "offshore".

Maxim Trofimets është një 40-vjeçar rus, drejtor i shitjeve të helikopterëve, i cili ka lindur në Moskë.

Nga Nick Muzin te Prigozhin dhe njerëzit pranë Putinit/ Fijet që
Maxim Trofimets

Një hetim nga "Finance Uncovered", "BBC" dhe “Seychelles Broadcasting Corporation” tregon se “Biniatta Trade” ka pasur një kontratë bashkëpunimi që prej 2015-ës me “Alpha Consoulting”, një firmë e regjistruar në ishujt Sejshell në Oqeanin Indian, një vend që njihet si parajsë e kapitalit “offshore”.

“Alpha Consulting” është një fabrikë sekrete e financuar nga rrethi i ngushtë i Vladimir Putinit, për të ushtruar ndikim në fushatat zgjedhore të vendeve të ndryshme të botës, në favor të politikës së jashtme të Moskës.

Kjo kompani është në pronësi të një shtetaseje ruse Viktoria Valkovskaja dhe një nga personat që e financonte ishte edhe ish-kreu i mercenarëve të grupit famëkeq Wagner, Yevgeny Prigozhin, i cili dyshohet se humbi jetën nga përplasja e një avioni.

Nga Nick Muzin te Prigozhin dhe njerëzit pranë Putinit/ Fijet që
Ish-kreu i mercenarëve të grupit famëkeq Wagner, Yevgeny Prigozhin

Sipas investigimit, “Alpha Consoulting” ka krijuar mbi 900 kompani që kanë shfrytëzuar boshllëqet në ligjet britanike për të ndikuar në vendet perëndimore, duke fshehur pronarët e vërtetë.

“Biniatta Trade” me qendër në Edinburg të Skocisë, por me kapital "offshore" në ishujt Sejshells, e ka lidhur kontratën me “Alpha Consulting” që prej vitit 2015.

Firma drejtohej nga një bord drejtuesish që i kishin ndarë aksionet në mënyrë të barabartë me nga 25%, duke bërë që aksionerët të mos ishin publikë, pasi sipas ligjit britanik nuk është e detyrueshme një gjë e tillë poshtë kuotës 25%.

“Biniata Trade”, duke fshehur kështu pronarët, i pagoi për Bashën 150 mijë dollarë lobistit Nick Muzin për një foto me Trump-in dhe për të marrë mbështetje në Kongresin Amerikan./ CNA





Lajmet e fundit nga