web counter
LEXO PA REKLAMA!

SHKARKO APP

App Store
Google Play

E fundit!

x

Biznesmeni i varreve “përplas këmbët” për gjyqin e statutit

3 Nëntor 2023, 10:24, Politikë CNA
Biznesmeni i varreve “përplas këmbët” për gjyqin
Indrit Sefa

Gjykata Civile rrëzoi sot kërkesën e përfaqësuesve të Partisë Demokratike të Lulzim Bashës për paraqitjen e dokumenteve të Këshillit Kombëtar të Partisë Demokratike për mbledhjen "online" të zhvilluar nga Gazment Bardhi.

Biznesmeni i varreve dhe “fansi i zjarrtë” i Lulzim Bashës, Indrit Sefa, nuk e ka pritur mirë këtë vendim të gjykatësit Niko Rapi dhe për këtë arsye kërkoi përjashtimin e tij nga çështja.

Sefa tha në një prononcim për gazetarët se mbledhja e Bardhit është imagjinare dhe gjyqtari mori vendim absurd.

Ai deklaroi se është absurde të vish në një proces gjyqësor ku nuk pranohet kërkesa e tij.

“Sot kemi kërkuar dokumentacionin në lidhje me zhvillimin e Këshillit Kombëtar imagjinar dhe online. Ne nuk kemi kërkuar asgjë tjetër, duam dokumentacionin e paraqitur dhe të presupozuar që ekziston. Asgjë më shumë. Ne duam që palët që janë në proces të vërtetojnë se ky Këshill Kombëtar imagjinar, është zhvilluar apo jo.

Gjykata vendosi që në një mënyrë absurde, që këtë dokumentacion të mos e kërkojë. Për këtë arsye në kërkuam përjashtimin e gjyqtarit të çështjes për njëanshmëri në procesin civil. Në këtë moment do të paraqesim edhe kërkesën për përjashtim, bashkë me provat.

Në ditët në vijim do shikojmë cilës gjykatë tjetër do t'i lihet kjo çështje për të shqyrtuar kërkesën tonë. Është absurde të vish në një proces gjyqësor e të mos paraqesësh dokumentacionin e kërkuar në shqyrtimin e kësaj çështjeje. Ne kemi dyshime të arsyeshme se ajo mbledhje nuk është bërë kurrë”, theksoi përfaqësuesi ligjor i PD-së së Bashës./ CNA





Lajmet e fundit nga