web counter
LEXO PA REKLAMA!

SHKARKO APP

App Store
Google Play

E fundit!

x

Arrihet marrëveshja Izrael - Hamas/ 50 pengje në këmbim të 150 palestinezëve dhe ndihmave humanitare

22 Nëntor 2023, 07:25, Kosova & Bota CNA

Arrihet marrëveshja Izrael - Hamas/ 50 pengje në këmbim të

Pas disa orësh diskutimesh me dyer të mbyllura Qeveria e Izraelit dhe Hamasi kanë gjetur dakordësi për lirimin e pengjeve dhe një armëpushim disaditor.

Ata janë dakordësuar të bëjnë një pauzë katërditore të luftimeve për të lejuar lirimin e 50 pengjeve të mbajtura në Gaza.

Pengjet do të këmbehen me 150 palestinezë të burgosur në Izrael dhe ndihmat humanitare në zonën e rrethuar.

Zyra e kryeministrit izraelit, Benjamin Netanyahu, tha se 50 gra dhe fëmijë do të lirohen gjatë katër ditëve, gjatë të cilave do të ketë një pauzë të luftimeve. Për çdo 10 pengje të liruara, pauza do të zgjatet me një ditë.

"Qeveria e Izraelit është e përkushtuar për lirimin e të gjitha pengjeve. Sot, ajo miratoi marrëveshjen e propozuar si një fazë të parë për arritjen e këtij qëllimi", thuhet në deklaratë.

Nuk dihet ende se kur do të zbatohet marrëveshja, por nëse do të jetë e suksesshme do të jetë ndërprerja e parë e luftimeve që nga shpërthimi i luftës më 7 tetor.

Qeveria e Izraelit këmbëngul se ky nuk është fundi i luftës, duke përsëritur angazhimin e saj për të "eliminuar përfundimisht Hamasin"./ CNA





Lajmet e fundit nga